La Usc di Ladins

La jona impormetüda dl schi Manuel Ploner é rové ala fin de merz dl 2025 a messëi fá bilanz y tó na dezijiun döt ater co saurida por le dagní. De saludé la cariera agonistica cun 24 agn ne s’ess l’atlet nia aspeté. La pasciun por i schi, nasciüda ti pröms agn de jonëza, á cina sëgn definí gran pert de so percurs. „Cun trëi agn m’ái metü sön i schi. I á conesciü i schi ciamó denanche imparé da lí o da scrí“, dij Manuel, ponsan do a le percurs fat.

La condiziun fisica, che ti ultims agn á tres indô dé da fistidié y á sforzé l’atlet danterite a deplü fases de palsa y de cura, damanâ sëgn da chirí fora danter döes opziuns: jí inant, surantolon risć maius o dé sö le schi definitivamënter por la sanité. „La dezijiun n’é nia stada saurida da tó y dër dî ái ponsé sura denanche rové ala conclujiun da lascé. Mo sëgn sinti che al é la dërta dezijiun da tó, dantadöt por mia sanité“, dij Manuel Ploner.


Liede inant tla ediziun nöia de vëndres, ai 9 de ma!