La Usc di Ladins

Le curs insëgna le förtl y l’ert da intrecé le fer trat por realisé a man de pices margarites: autentiches, originales y plajores. Maester é l’artist Giovanni Pinosio. Le prisc por tó pert al curs é de 70,00 Euro (50,00 Euro por i iscric y les iscrites al’EPL). Le curs gnará tigní a San Martin de Tor le de sabeda ai 7 de jügn 2025, dales 14:30 ales 18:00. Informaziuns y prenotaziuns pro Gaia al nr. 333 3653636.

Cun le 01.05. á le Museum Ladin indô daurí les portes. Por festejé la daurida y por presenté les novités de chësc ann, vëgnel invié ala manifestaziun »Daurida y novités«, en doman sabeda ai 10 de ma dales 11:00, tl Museum Ladin Ciastel de Tor. Al gnará presenté döes seziun nöies sön ert y musiga tla mostra permanënta dl MusLa Ciastel de Tor, n jüch detectif »Le iuvel de Fanes« por scores y families fora por le ciastel y le audio–acompagnadú por pici y gragn »Dolasila nes cunta la storia dla jënt ladina«. Do la presentaziun dles novités inviunse a vijité le museum y a sté adöm en compagnia pro n buffet cun DJ set.

En mertesc ai 13 de ma dales 20:00 él tla Ciasa J. B. Runcher a Badia le referat »Jí a munt y te pastöra – Reco­nësce por tëmp les maraties infetives dl bestiam.« Le dotur dai tiers Alexander Tavella nes spligará co arjigné ca i tiers y a ci mëte averda denanche jí sön pastöra. Al cuntará ince deplü noziuns sön bisces y cioures. La sëra se stlüj jö cun n pice buffet. Organisaziun: Uniun Paurs y Patrones de Badia cun le sostëgn dl Consëi de formaziun dl Comun de Badia.

L ie de gran mpurtanza avëi te cësa na bombula da destudé l fuech, da pudëi tò ca riesc te n cajo de bujën y pudëi nscila schivé suvënz n majer dann. Acioche la bombula sibe bën da pudëi avëi canche l romp ora n meldefuech, vëniel cunsià de la lascé cialé do regularmënter.

I Destudafuech de Urtijëi pieta nce chëst ann chësc servisc, plu avisa n duman sada ai 10 de mei dala 8:00 nchin la 13:00 tl magasin di Destudafuech tla streda Purger a Urtijëi.

Dut chël che purton ora per l mond crieia resonanza. L ie te nosta mans a cie che dajon resposta, per cie che sëurantulon respunsabltà.

Tres eserzizies y se giamian ora esperienzes , ulons deberieda jì plu sot tla tematica dla pesc y abiné manieres de rujené y de se cumpurté per formes de pesc vivuda, per nosta vita da unidi.

N se ancota n mierculdi ai 14 de mei dala 19:00 tl local »Saut« a Urtijëi.

A duc i zitadins y la zitadines, lies y duc i nteressei ti va l nvit a unì a judé a rumé su l luech de Sëlva. N se anconta dan la Cësa de Cultura »Oswald von Wolkenstein« dala 8:00 daduman.

Tlo uniràl partì ora a duc chëi che vën a fé pea sac, manëces y massaria, per pië ora pona per l luech a tlupé su l refudam lascià ncantëur. Daldò jiràn pona deberieda a marënda. N rengraziamënt bele danora a duc chi che fajerà pea.

Le Museum Ladin inviëia al referat »Le mudamënt dl clima e chiló! Ci fa?« de Georg Kaser, en mertesc ai 13 de ma dales 18:00, tl Museum Ladin Ciastel de Tor. Le referat analisëia sciöche le mudamënt climatich se lascia bele incö sintí – dal aumënt dla temperatöra y dales condiziuns meteorologiches estremes cina ales conseguënzes pesoces por la natöra y la sozieté. Söla basa de dac atuai y söi resultac de sües inrescides, mostrel sö ci svilups che nes aspetará y co che i messarun afronté les desfides tl dagní. Le referat vëgn tigní por todësch.

N jirà a La Pli de Fodom a cialé l Mujeo Ladin che conta la storia y la cultura de si valeda y l Museo Civico Vittorino Cazzetta a Sëlva de Ciadura cun si reperc archeologics unics y fossìi de marueia.

L vën pià via cun la curiera dala 8 da duman dala Plaza de Sant Antone demez per furné nchin a La Pli de Fodom.

A marënda jiràn a Sëlva de Ciadura tl Rifugio Aquileia. Dala 15:00 iel sun l prugram na vijita meneda tl Museo Civico Vittorino Cazzetta y dala cinch pëien inò de viers de cësa.

L priesc dla jita ie de 60 € per cumëmbri y de 70 € per nia cumëmbri. Laite iel l viac cun la curiera, la marënda y la doi ntredes cun vijita meneda.

Per nfurmazions plu avisa: 

Tel. 0471 797554; email: info@museumgherdeina.it

Siegfried Irsara ie chersciù su sun l luech da paur Ciampidel a Antermoia tla Val Badia.

Na vita ntiera al dedicà al lëur da tistler. Monce cun passa 90 ani jìvel drët gën te si berstot ju n ciulé a fé d’uni sort de miniatures che reprejentova la vita da zacan, l lëur da paur, che ël cunesciova drët bën. Chësta miniatures che ël à lascià ie na testemunianza de valor y na documentazion storica de coche fova la vita te nosta valedes dan cënt ani.

I modiei ie laurei ora nchin tl mënder detail, dut scialdi apuntin, ël ziplova nce duta la njinies che fova ntlëuta te cësadafuech, te standegun, te stala, te medel samont, te mulin.

La mostra resterà da udëi nchin ai 30 de mei, uni di ora dl lunesc, dala 16:00 ala 19:00.

Le Consëi de formaziun dl Comun de Corvara mët a jí en sabeda ai 17 de ma dales 19:00, tl salf dles mani­festaziuns a Corvara, na cëna cun n teater criminal.

Chiló é le publich invié da stomé che che é le traditur tla storia, che sará da odëi tratan cëna sön paladina. Al jobelnëia Lucia Cirella, Marco Moscon, Sabine Rudiferia, Tobias Stampfer y Susann Tavella. La rejia é de Erika Castlunger. Por informaziuns plü menüdes y prenotaziuns él da cherdé sö Sonia al numer de telefon 349 1588485.

Le dirighënt dla Musiga Davide Donazzolo á metü adöm n program plajor y desvalí, cun les marces tradizionales sciöche »Spielmanns­gruß«, »Colonel Bogey«, »Musik Musik« o »Melodie und Harmonie«, cina toc de musiga da film sciöche »The Marches of John Williams« o »Yoda’s Theme« – chësc ultim adaté por musiga dal dirighënt instës. Al sará spo toc de opera classica sciöche p.ej. »Elsa’s Procession To The Cathedral«, toc pop/rock sciöche »Smoke on the Water« o ince toc de musiga originala sciöche »Ad Deum«, scrit dal dirighënt dla musiga, che se ispirëia y descrí le tru che porta Francësch d’Assisi a deventé le Sant che düc nos conesciun. La Musiga ess plajëi da Ves saludé dötes y düc.

Te chësta ocajiun vëgnel presenté dales 15:00 tl Museum Ladin Ursus ladinicus a San Ciascian le liber por mitans y mituns »RED, le pice dino n pü’ atramënter« de Nezilla & Nico, cun n laboratore creatif. Implü vëgnel pité na vijita menada fora por le museum Ursus ladinicus (dales 14:00 por todësch y dales 17:00 por talian) cun le paleontologh Herwig Prinoth y acompagnada da n aperitif cun musiga. La manifestaziun vëgn organisada en colaboraziun cun la Cooperativa Turistica Alta Badia. En chësc de é l’entrada ti museums Ciastel de Tor y Ursus ladinicus dales 10:00 ales 18:00 gratis.