La Usc di Ladins

Dotours
Dutor Gherdëina
L dutor de servisc da n sada ai 10.05. dala 08:00 daduman nchin la 08:00 daduman de n lunesc ai 12.05. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia 
Le dotur en sorvisc ti cin’ comuns dla Val Badia, tla fin dl’edema di 10 y 11 de ma, é le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 09.05. nchin n vënderdi ai 16.05. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 9 de ma dales 19:00 al vëndres ai 16 de ma ales 19:00, é chëra da San Martin/Picolin, tel. 0474 523020.

Televijion
13.05.
Sport Ladin
Dales 20.50. za. Program cun Diego Clara

14.05.
»Die Ladiner – storia de n suzes«
Dales 20.50 za. Program de Leo Senoner

15.05.
Pizes dla Ladinia
Dales 20:50 za. »Pizes dla Ladinia–via fereda Hans Kammerlander«, cun Man­fred Stuffer, Valeria Stuflesser y Simon Oberbacher.

Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Iadi y jites
Dai 13.05. inant
Iscrizions »Jita da d’ansciuda«
La grupa »Nëus jon pa bel plan » mët a jì na jita da d’ansciuda a Sant’Apollonia ai 22 de mei. N possa se nuté su dai 13.05. nchin ai 20.05. da Ciofes Inge a Urtijei (0471 796691). Per plu nfirmazions: 328 914 6844 (Arthur), 334 720 1650 (Paola), 338 836 2004 (Valentin), 320 045 4724 (Helmuth).

09.05.
Jita a Ciastel - Grupa Deberieda
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, mët a jì na jita a Ciastel, ulache n jirà a spaz tl zënter y sun l »Kalvarien-berg«. N se anconta n vënderdi ai 9 de mei dala 14:00 dan la Cësa de Paussa a Urtijëi.

Atualmënter
Iscrizions: viac de doi dis tl Lechtal
La grupa KVW de S.Cristina mët a jì ai 23 y 24 de mei 2025 n blòt viac de doi dis tl Lechtal tl Tirol. L vën durmì a Elbigenalp. De reviers pàssen a Lech y Zürs. Nteressei possa se nuté su pra Emmerich Senoner al numer 335 57 13 575.

Avisc
Atualmenter
Gropes de letura te Biblioteca de Comun de Sèn Jan
L grop de letores Amisc de la Biblioteca de Sèn Jan l é debant e avert a duc; l se bina en mercol ai 14 de mé da les 17:30, info te Comun al 0462 764758/9. La letures per bec »L’isola che non c’è« sarà enveze ai 28 de mé. Info: 389 1122243 ence whatsapp o sangiovannidifassa@biblio.tn.it

10.05.
A comedia te Navalge
En sabeda ai 10 de mé da les 21:00 te teater de Navalge a Moena la filodramatica Romano Dellagiacoma de Pardac met dant la comedia »A.A.A. Vendesi castello«, regia de Daniela Dellagiacoma e de Roberto Morandini.

Atualmënter
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na software? Tulëde pea vosc fonin, tablet o laptop y unide te biblioteca San Durich a Urtijëi. N merdi ai 13 y 20 de mei dala 9:00–12:00 y n juebia ai 15 y 22 de mei dala 15:00 ala 18:00 sarà l espert Werner Messner iló a ve judé. L servisc ie debant y n ne n’à nia drë’ de se lascé nuté su.

Atualmënter
Iscrizions: purvé l sport dl Volley
L Volley Gherdëina mët a jì n pitl curs de trëi dis per purvé l sport dl volley, plu avisa ai 23.05., 30.05 y 05.06 dala 16:00–17:30 tla palestra dl’ITE a Urtijëi. La iscrizions vën tëutes su da Sarah: 333 1666922.

Uni vënderdi
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spanuel uni vënderdi dl mëns, ai 2, 9, 23 y 30 de mei, for dala 09:30. Na cunescënza de basa dla rujeneda ie bënududa.

Juni
Mpresté trohtes a Urtijëi
Dai 4 de juni inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 4, 11 y 18 de juni, cher­dan su danora l numer de Nadja Moroder 334 5266014.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster–MIP
L’ofize dla MIP–Männerini­tiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Patern­steig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

10.05.
De dl ambiënt tl’Alta Badia
En doman sabeda ai 10 de ma vëgnel tigní ti comuns dl’Alta Badia le »De dl ambiënt«. An s’incunta dales 9:00 dan la sënta di stödafüch de vigni paisc. Pici y gragn é inviá a tó pert y dé n contribut a nosta tera. Te vigni comun él preodü na marëna por düc i partezipanc.

10.05.
»De dal ambiont« te Mareo
En doman sabeda ai 10 de ma él ti paisc dl comun de Mareo le »De dal ambiont«. An s’incunta dales 9:00 da doman pro le paiun dla musiga de vigni paisc. Dales 12:30 griliada por düc chi che á daidé, pro paiun a Al Plan. Al é da se tó do manëces y/o pinzes. I sac dal ciomënt vëgn metüs a desposiziun. Sce al ess da ester bur’ tëmp, vëgn le de sposté. An ciafará infos sön la plata dl Comun.

13.05.
La Ila: Infopoint informatica
Le Consëi de formaziun Badia mët a jí l’ultim apuntamënt cun le »Infopoint informatica«, che s’oj a düc chi che adora n sostëgn cun computer y fonin. Referënta é Maddalena Valentini, pedagoga di media. An s’incunta te biblioteca da La Ila, ai 13 de ma dales 15:00 ales 17:00. Al é da se prenoté al 347 6880248.

13/17.05.
Comedia de La Mizacoles
L grop de teater La Mizacoles porta dant la comedia dal titol ‘Piata falèda, noza endrezèda’ con la regia de Loreta Florian en mèrtesc ai 13 de mé te Oratorie de Poza da les 20:30 e en sabeda ai 17 de mé da les 20:30 te chino de Marmolèda.

18.05.
Festa col Fascia Balon
En domenia ai 28 de mé la sozietà sportiva Fascia Balon endreza la festa con dirijenc, sponsor e sostegnidores sul ciamp de Vich con partides de balon e la marena.

Atualmenter
Neves oraries biblio Majon di Fascegn
Col prum de oril l é jit en doura i neves oraries de la biblioteca de la Majon di Fascegn che sarà averta de mèrtesc da les 9:00 a les 12:00 e da les 14:00 a les 16:30, de mercol demò da les 14:00 a les 16:30, i etres dis, fora che l vender, su apuntament. I archivies se pel i consultèr demò su apuntament de lunesc e de jebia da les 8:00 a les 18:00.

17.05.
Raida a pe su la seides del Prinzipat
En sabeda ai 17 de mé, tel chèder de l’Aisciuda Ladina, i Servijes linguistics e culturèi del CGF endreza na raida a pe su la seides del Prinzipat a Moena, Pian del térmen e Portonaea col menatroes Giorgio Poschiavin e Leonardo Cocciardi. Se se troa jun Navalge ló da la scola de schi da les 9 da doman. Info: 0462 764545 opz. 4.

9-11-05.
Sègra de Ciampedel
I Schuhplattler da Ciampedel fèsc festa per si 45 egn de atività col tendon te paisc che aur duc i dis con magnèr e bona musega. En domenia ai 11 da les 9:30 messa grana, do defilèda fin te piaz, aperitif con la Musega Auta Fascia. Da les 14:30 ejibizion di gropes Schuhplattler e di Schuhplattler de Ciampedel, dapò musega con I Pazedins fin tèrt.

18.05.
Spetacol con Mario Cagol
En domenia ai 18 de mé da les 21:15 a La Gran Ciasa a Soraga l Comitat manifestazions met dant l spetacol de e con Mario Cagol dal titol »Smile. Non ci resta che ridere!«. Se pel ite debant.

Chino
Atualmenter
Al chino de Pardac
En sabeda ai 17 da les 21:00 e domenia ai 18 da les 20:30 l é »Flight risk–Trappola ad alta quota«, domenia ai 18 da les 17:15 l é »Un film Minecraft«. Info su www.cinemapredazzo.it.

Atualmenter
Al chino de Tieser
Vender ai 16 de mé da les 21:15 e sabeda ai 17 da les 17:00 l é »Thunderbolts«, jebia ai 22 e sabeda ai 24 da les 21:15 e domenia ai 25 da les 20:30 l é »Mission: impossible. The final reckoning«. Info www.cinematesero.com.

Cursc
09.05.
Fit tl cë cun juesc y devertimënt
L KVW S. Cristina nvieia ëi y ëiles sëura i 60 ani a chësta ancuntedes per mantenì na bona riazion, memoria y cunzentrazion, cun la referënta Isolde Senoner. La ancuntedes sarà for de vënderdi: ai 9, 16, 23 y 30 de mei tl Self Raiffeisen a S. Cristina, dala 09:30 nchin la 10:30.

13.05.
»Ujes jëunes«
Tla Biblioteca de San Durich a Urtijëi uniràl metù a jì n lëuratuere y na prejentazion cun Nadia Rungger, ulache sculeies y sculeies dla scoles autes puderà prejenté si tesć y poejies–ai 13 de mei dala 18:00.

13.05.
San Martin: Emergënzes tl caje de pici mituns
Le Consëi de formaziun da San Martin mët a jí n curs de pröm aiüt por emergënzes tl caje de pici mituns. Le curs é en mertesc ai 13 de ma dales 18:00 ales 22:00, tl salf dl Istitut Ladin a San Martin. Referënc é Sabine Falk y André Miribung. Infos y iscriziuns tres mail a cf.sanmartindetor@gmail.com

Mostres y Ert
Atualmënter
Mostra »Bello Mondo«
L Circolo–Lia Mostra d’Ert nvieia a unì a ti cialé ala mostra »Bello Mondo« de Laura Pan, che sarà da udëi mo nchin duman, 10 de mei, merdi – vënderdi: 16:00-19:00, sada y dumënia: 10:00-12:00 y 16:00-19:00. De lunesc iel stlut. La finissage sarà ai 9 de mei dala 18:00.

Atualmënter
Mostra: L mond di mandala
Tl Café Surëdl a Urtijëi iel metù ora na mostra de Erika Senoner, che jirà inant nchin ai 13 de juni, dal lunesc nchin al vënderdi, 09:00–19:00.

09.05.
Mostra de Markus Moling a Lienz
Incö vëndres ai 9 de ma dales 19:00 él tla »Kunstwerkstatt« a Lienz, Mühlgasse 8a, la daurida dla mostra »Übergänge«, cun operes de Markus Moling da La Val y Heinz Innerhofer. La introduziun fej Nadia Moling. La mostra é daverta spo dai 12 de ma cina ai 6 de jügn, dal lönesc al vëndres dales 10:00 ales 12:00 y dales 13:30 ales 17:00.

Mujiga
10.05.
Conzert de la Musega da Vich
En sabeda ai 10 de mé da les 20:30 al PalaDolomites de Ciampestrin la Musega da Vich endreza sie conzert d’aisciuda dal titol »Zenza de te...«

09.05.
Sëira de bal Fox
La Grupa Bal Populer Sëlva y S. Cristina mët a jì na sëira de balé Fox tla sala dla Cassa Raiffeisen S. Cristina, ncuei, vënderdi ai 9 de mei dala 20:30–22:00.

10.05.
»Affrico Blue Quartet« a La Grenz
En sabeda ai 10 de mé da les 21:30 al Music Club La Grenz a Moena conzert »Affrico Blue Quartet« con Filippo Lepri a la tromba, Franceso Maccianti al piano, Stefano Lepri al contrabas e Paolo Maccianti a la bateria. Ddapò Jam Session. Se pel ite debant con tessera Arci.

10.05.
Conzert d’aisciöda a La Val
La Musiga da La Val inviëia bel a so conzert d’aisciöda, en doman sabeda ai 10 de ma dales 20:30, te palestra a La Val.

17.05.
Conzert d’aisciöda a San Martin
La Musiga da San Martin inviëia a so conzert d’aisciöda, en sabeda ai 17 de ma dales 20:30, te palestra a San Martin.

Referac
12.05.
Nüsc mituns – sigüsc tl internet
La Uniun Ëres Lungiarü mët a jí le referat »Unsere Kinder – Sicher im Internet«, cun Anita Pfattner, en lönesc ai 12 de ma dales 20:00, tl salf »Giovanni Costa« a Lungiarü. Danterater gnarál baié de tematiches incër l’adoranza dl smartphone, gaming, social media, cybermobbing, segurté te internet, handy por mituns ez. Sambëgn podarán spo ince fá domandes.

14.05.
Arpejun – testamënt y sozesciun ereditara
Chësc é le titul de n referat cun l’avocat Paul Maieron, en mercui ai 14 de ma dales 20:00, tl salf dla Raiffeisen a Al Plan. Al gnará respognü a domandes sciöche: Ci é pa l’arpejun? Él damí scrí n testamënt? Ci sozedel pa sce i ne l’á nia scrit? Pói ti antizipé mia arpejun a mi mituns? Ci mëssi pa fá sce i á n lüch o na dita?

15.05.
Referat y barat de ciüfs y pelzes
En jöbia ai 15 de ma dales 20:00 él tl salf di stödafüch a San Martin n referat sön i früc da cose, cun Lukas Luggin. Dedô él le barat de ciüf y pelzes. Chi che ó, pó porté somënzes o pelzes dessurora. An dess scrí sö ci che al é y dé jö döt te salf, dan le referat.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 22 de ma. Al vëgn dé fora da mangé a dötes les porsones dla Val Badia che á debojëgn.

Atualmenter
Controi sanitères coi Lions Club
L Lions Club Fiem e Fascia endreza vijites ai eies e control del zucher per jent che à besegn. N meso con èrc e n dotor spezialisà sarà ai 13 de mé a Moena te Navalge, ai 14 a Sèn Jan ló dal Comun General e ai 15 a Cianacei te Piaz de Comun con orarie 9:00-13:00 e 14:00-17:30.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Temp Lede
14.05.
Cunësces’a bele...?
La biblioteca Oswald von Wolkenstein te Sëlva nvieia a n’ëura de chino de libri ilustrei per mutons y mutans dai 6 nchin ai 9 ani, n mierculdi ai 14 de mei dala 15:00, cun la referënta Brunhild Putzer. Daldò puderan mo pastelné zeche de bel. L ne ie nia debujën de se nuté su.

15.05.
Sëira de juesc cun la lia Trix
La lia Trix nvieia a na sëira de juesc da mëisa n juebia ai 15 de mei dala 20:00 tl local dl Cricolo a Urtijëi. L sarà da abiné velch per uniun:a!

17.05.
Marcià dala Poza
N sada ai 17 de mei, dala 08:00 nchin la 14:00, vëniel inò a s’l dé l Marcià dala Poza sun la streda Nives te Sëlva, n marcià tradiziunel che ie pont de ancunteda per duc i zitadins y la zitadines, cun mesun de se maië y bever zeche pra i stonc dl Cor de Dlieja y di Alpini.Tla biblioteca de San Durich a Urtijëi liejerà Claudia ora de si liber nuef per mutons, ncuei, vënderdi ai 2 de auril dala 15:00.