La Usc di Ladins

L invern l é fenì ofizialmenter, ma descheche l é stat ti ultimes egn, ence te chest 2025 fora per l meis de oril sa mont l à seghità a fiocar. Aon volù intervistar Martin Pederiva, 25 egn, da Valongia (frazion de Sèn Jan), che da pech se à laureà te la Ledia Università de Busan con 110 e la lauda, portan a compiment n master de »Gestion sostegnibola del ambient da mont«. L ne à contà de so percors de studie e de soa tesi su le levine, lurada fora sul teritorie de Fascia.

Martin, contene mingol de te…
Me é diplomà al liceo scientifich de Sèn Jan e dapò son stat a Padua, olache é fat mi prum percors de laurea te trei egn de Scienze e tecnologie forestale e ambientale. Dapò é tacà via n master per ingleis, spartì anter Busan e Dispruch, che à inom »Enviromental management of mountain areas«, clas de laurea forestala, ma più spezifich per la gestion del teritorie da mont. É abù la fortuna de poder studiar che che me sà più bel: jir sa mont l é mia più gran pascion fin da canche ere bez, valch che é daite e che spartesce con duta mia familia. Mi pare Bruno l é rampeador e menacrep da na vita e ence mia mare Riccarda, mi fra Thomas e mie sores Stefania e Carlotta i é semper su per monc a corer e a rampear.

Se pel lejer dut su La Usc nr 16 dai 2 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Thomas Zulian)