La Usc di Ladins

Ne diste valch de te?
Gio son da Poza, del ‘98 me é maridà con Giovanni Bernard e aon metù su familia a Cianacei.

Na familia con doi bec rué da dalonc, co éla stata?
Gio e Giovanni da moroji no aane mai pissà a l’adozion, ma segur volaane doventar genitores. Do trei egn, na sera de jené del 2001 aon abù n azident col auto: gio spetae, é perdù l bez e per complicazion no aesse più podù aer fies naturai. Via per d’uton, canche é scomenzà a star miec, aon pissà a la strada de l’adozion.

Él stat na strada longia?
Ei. L era da far dut n percors. Jà del 2002 aon fat i corsc endrezé da la Provinzia, dant con autre cobie e dapò individuai. Se cogn esser maridé da amancol 3 egn per desmostrar la stabilità de cobia e far scontrade con la psicologa per ‘elaborar la manconia’ e esser segures che se vel l ben del bez e no demò scuerjer n vet personal. Dapò l é l’assistente soziala: enlauta noi siane ensema con la Valsugana, cognaane jir ju e l’assistente la é vegnuda ence a ciasa a veder se l era dut aldò per poder tor te ciasa n piciol. De firé del 2003 aon abù dal Tribunal di mendres l decret de idoneità per adotar.

De plu tla edizion stampeda de La Usc di Ladins o sun l e-paper a paiament www.lausc.it/e-paper