La Usc di Ladins

No podea esser ocajion più adatèda che la giornèda internazionèla de la femena dai 8 de mèrz per prejentèr l nef projet de la Biblioteca de la Majon di Fascegn creà apontin per la eles.

Se trata de na linea de tasces e de portalapijes personalisèda che l Istitut Cultural Ladin à volù meter a la leta de la femenes, prodoc particolères, unics, creé coi banner del concors ‘L segnaliber che volesse’ fat del 2021, che é stac reziclé da la firma Redo de Trent.
La presidenta de la Majon di Fascegn Lara Battisti e la responsabola de la Biblioteca Alberta Rossi à spiegà che chest projet vel envièr via la reflescion su la doura consapevola di prodoc, sul rezicle, ajache chesta bolghes é states fates duran la teiles che à fornì su via per l an passà i paijes de Fascia, con dessegnes e paroles de giaves e bec fascegn, donca con na tascia se se tol do e se porta stroz n toch de noscia jent e de noscia cultura. 

Daniela Brovadan e Martina Chiocchetti à enjignà na vijita te Museo dedichèda a la eles che se à serà su te sala Heilmann con n aperitif a km 0 coi produtores fascegn aldò del projet ‘Alimentare Cultura’ en colaborazion con la Coprativa Le Rais.

De più su La Usc stampèda de vender ai 17 de mèrz.  (Monica Cigolla)