La Usc di Ladins

Musega eco-compatibola e paesajes dolomitics, ma ence atenzion ai lengac de mendranza, con gropes che rua da la Ladinia, da la Catalunya, da la Sardegna, dal Friul e dal Südtirol. Con chest spirit pea via l Val de Fascia Panorama Music vardan amò de più a la calità e a la proponetes artistiches. 
La rassegna, ruèda a la edizion numer 10, la é metuda a jir da la sociazion de cultura e musega La Grenz con la direzion artistica del baterist moenat de nonzech Enrico Tommasini e la perveit 18 conzerc, tant a l’averta de dì, cercené dai più bie paesajes da mont de la Dolomites, che da sera tel Music Club La Grenz de Moena. 
Apontin chiò jà chesta sabeda ai 21 de jugn La Grenz propon na antepruma de la musega de mendranza da no se perder: l oramai cognosciù grop de joegn fascegn Popcorner l porta dant defat sie nef CD.
La setemèna do l Val di Fassa Panorama Music tacarà con n conzert de gran valuta del Barcelona World’s Music Ensemble, ai 2 e 3 de messèl sarà l projet furlan »Cûr di veri« e ai 6 ruarà l grop gherdener Pëufla sun Pecol.

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (LG)