La Usc di Ladins

No l é n pas en do, ma n pas da na man, che fae per ge dèr l met a de etres de fèr pèrt de l'aministrazion. Gé seghitaré a me dèr ju per mie paisc, ence se no te chest Consei ma da sentadin. Lasce zenza recriminazions ma con recognoscenza per l toch de strèda fat ensema.

Chest, en sostanza, l contegnù de la letra che Roberto Guglielmi à let ju, emozionà, a la fin del Consei de Comun de Cianacei ansera, 29 de oril.

L imprenditor de Cianacei e père del Conseier provinzièl ladin se aea candidà a ombolt ai 4 de mé del 2025 con la lista 'Canazei Comunità e Progresso' ruan demò al 33,8 de la stimes respet al 66% de Giovanni Bernard. L aea dit de se aer candidà percheche ge era stat domanà e per ge dèr na alternativa al paisc, ma do nience n an l à dezidù de ge lascèr l post a forza neves. L à ence palesà sia sodesfazion per l fat che l'aministrazion de Cianacei aesse tout dant con empegn la costion de la pruma cèsa, che l era un de si obietives. 

De più su la discuscions tel Consei de Comun sarà da poder lejer su La Usc stampèda.  (LG)