La Usc di Ladins

La sociazion Parkinson Trent vel ge stèr vejin a la persones malèdes e jir fora da la zità per ruèr sui teritories. Per chest l’à endrezà na lingia de scontrèdes te duta la provinzia per fèr cognoscer la sociazion e portèr atenzion ai besegnes e la domanes de la persones col Parkinson, a sia jent e ence a duc chi che ge stèsc apede. Semper più persones se troa a cogner conviver con chesta malatia neurodegenerativa progressiva, per fortuna che la enrescida la é a do a do che la fèsc vèresc inant e enceben che no sie l met de varir, i sintomes pel vegnir gestii con la terapies tant farmacologiches che de reabilitazion. Per n rejonèr coi esperc belapontin la sociazion de Trent é ruèda en sabeda ai 6 de setember a Moena, te sala Simonin Maza de la scoles. Chesta scontrèda fèsc pèrt del projet ‘Parkinson in ascolto’ che tras etres cinch apuntamenc, vel tor dant i temes del bonstèr psicologich, spiritual, ambiental, sozièl e fisich en relazion a la malatia.

Se pel lejer dut su La Usc nr 35 dai 12 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.

 (Monica Cigolla)