La Usc di Ladins

Ai 1. de setëmber iel stat un n nter­vënt a Badia, ulache n ël ova pro­blems al cuer. 
Do na prima vijita l àn menà cun l joler tl spedel de Burnech.
L prim ntervënt ai 2 de setëmber ie stat a S. Cristina per n ël che ne stajova nia bën, che la zentrela à desdit curt do ajache la ti jiva inò miec.
L segondo ntervënt ie stat a Réba: la zentrela de la Plié à cherdà l joler per n ël cun problems al cuer. Do che la duturëssa à vijità l pazient iesen julei limpea tl spedel de Bulsan.
I ntervënc ai 3 de setëmber ie duc stai ora dla valedes Ladines.
Ai 4 de setëmber iel stat n nzidënt cun la roda da mont sun Jëuf de Frea. Do la prima cures àn menà l jëunn che fova tumà cun la roda tl spedel de Bulsan.
Daldò iel stat n segondo ntervënt sun Jëuf de Frea, plu avisa sun la Gran Cir sun la via Demetz, ulache n arpizadëur fova tumà ju de parëi per 15 metri tla corda. Davia che l ne fova nia saurì a ti ruvé permez àn lascià ju mé l suco­ridëur, per l tré su inò tl joler de­berieda cun l pazient. Do la prima cures saniteres ti àn sëurandat l pazient ai Carabiniers.

De plu tla edizion stampeda de La Usc di Ladins o sun l e-paper a paiament www.lausc.it/e-paper