La Usc di Ladins

En sabeda ai 6 de setëmber é pié ia n pedrun sön le »Tru di Artisć«, danter San Ciascian y La Ila. Chësc á ciafé süa liberté se lochernan fora dala tera dl ërt sura le tru sö. 
Cun sbunf él raité jö devers dl rü s’architan sön spona dla Gran Ega. Le pedrun s’á stracé para ci che al á incunté sön so tru. Alarmé á jënt che spazirâ fora por le tru, canche la fat é sozedü ­ insciö in­toronn ales 18:00. Sön le post él rové i Stödafüch da San Ciascian y la scuadra atrezada cun drona di Stödafüch da Calfosch. Deboriada él gnü cunstaté i dagns y fat na scëmpla constataziun di maius risć, che á porté ala stlüta temporana dl tru por motifs de segurté.

Ciamó chësta edema él preodü n surapost cun i geologs, che cun­statará le movimënt dl material, por tó na dezijiun sön la dorada dla stlüta dl tru da jí a pe.



Liede deplü tla ediziun nöia de vëndres, ai 12 de setëmber!