La Usc di Ladins

L é stat na beliscima garejèda, chela de corsa endrezèda da Marcialonga che se à dejout en sabeda ai 6 de setember anter Fascia e Fiem, pean via da Moena olache l start é stat compagnà dal sgol di paracadutisć de l’ANPd’I. 
Na edizion, chesta numer 23 de la Running Coop, che sui doi percorsc, chel più lonch da 26,5 chilometres e la mesa maratona da 21, à vedù en dut passa 1500 partezipanc.
L bon temp ence se mingol da vent à compagnà i concorenc enlongia la Veisc, per ruèr fin fora Masi per l percors mender e fin tel zenter de Ciavaleis per chel maor. 
A vidèr la corsa a do a do fin dal scomenz l é stat 3 atlec dal Kenya, per prum Lengen Lolkurraru, e apontin a el, sul travert endrezà su la Via Bronzetti serèda al trafich, la neva Soreghina mesa fascèna e mesa fiemacia Pamela Croce à podù ge meter la corona de orèr entorn al col.

Se pel lejer dut su La Usc nr 35 dai 12 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.



 (Lucia Gross)