La Usc di Ladins

Te chest an de festa la Majon di Fascegn, che la compiesc 50 egn, l’à pissà a desvaliva scomenzadives per uzèr fora chest gran travert con la comunanza. Do l Carnascèr de Ciampedel e l event soziolinguistich sul davegnir del ladin, ades l é sul calandèr etres doi apuntamenc che porta dant l’emportanza per chesta istituzion de se confrontèr con sie teritorie e sia jent, e ence de vardèr defora e de ge dèr valor a la sacotanta colaborazions anter mendranzes.
En sabeda ai 13 de setember, pean via da les 4 domarena, te Museo Ladin, chesta comunanzes se porta dant tras na piataforma digitèla olache les é states binèdes dutes adum e tras simboi e materièi identitères desche te na fiera de colores e lengac. Dapò da les 7, te sala grana del Istitut Ladin, sarà n moment de musega con la band ladina Pop Corner e la band croata dal Molise Kroatarantata, te n laboratorie artistich che fèsc entener l’emportanza de se scontrèr e la oportunitèdes che pel vegnir fora da n confront curious e gustegol.
En domenia ai 14 de setember enveze duc ensema i tolarà pèrt a la storica defilèda de la Gran Festa da d’Istà de Cianacei.

Se pel lejer dut su La Usc nr 35 dai 12 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.