18.09.
Jita sun l Rosskopf
La Grupa Nëus jon pa bel plan mët a jì chësta jita ai 18.09.. Da Sterzing furneràn cun la furnadoia nchin sun l Rosskopf y da iló inant a pe nchin pra la utia Edelweiß a maië zeche. Daldò jiràn mo n pitl tòch suvier y dal’autra pert ju nchin pra la furnadoia. A Ladurns vën na curiera a nes tò. N possa se nuté su ai 16.09. da Ciofs Inge a Urtijëi, Malsiner Soriva a S. Cristina o Sport Bruno Riffeser te Sëlva. Priesc: 45,00 € (cun furnadoies). Per plu nfurmazions: 328 914 6844 (Arthur), 334 720 1650 (Paola), 338 836 2004 (Valentin), 320 045 4724 (Helmuth).
21.09.
Jita tl Pfossental
La grupa »Nëus granc y pitli« dla Lia da Mont Gherdëina mët a jì chësta jita ai 21 de setëmber. N se anconta dala 10:00 dal Gasthof Jägerrast (Vorderkaser). L unirà maià zeche ora dal flucion. L sarà da jì feter 3 ëura (n possa jì nce cun l bagl), cun n deslivel de 400 m suvier y 400 juvier. Per la iscrizions o per plu nfurmazions: Verena 335 5475128 (tres Whatsapp).
Temp Lede
13.09.
Sellaronda Bike Day
En doman sabeda ai 13 de setëmber vëgnel tigní la ediziun d’altonn dl Sellaronda Bike Day, sön i jus incër le Sela. Les strades gnará stlütes al trafich motorisé dales 8:30 ales 16:00. I ziclisć é inviá da tó pert ala manifestaziun. Al vëgn aconsié da fá la roda tl vers cuntra la ora.
13.09.
Pruma mostra di Teufel
En sabeda ai 13 de setember a La Gran Ciasa a Soraga da les 10:00 a les 20:00 vegn endrezà la pruma mostra de faceres da Krampus con i Teufel da Soraga, i Krampus da Poza, i Goellerspitz Tuifl e i Ketzertol Tuifl. Via per l dì e da sera da magnèr e da beiver con musega.
14.09.
Ancunteda FIAT 500 SELLA TOUR
Ai 14 de setëmber se anconta i pasciunei de Fiat 500 sun la plaza dan la Cësa de Cultura de Sëlva, dala 08:30. Per plu nfurmazions: 500sellatour@gmail.com, Peter 329 4221363 o Georg 335 8274025.
14.09.
La
View the embedded image gallery online at:
https://www.lausc.it/manifestazions-y-evenc/30316-manifestazions-atuales-speziales#sigProIdeb834f3528
https://www.lausc.it/manifestazions-y-evenc/30316-manifestazions-atuales-speziales#sigProIdeb834f3528
Tl raiun de Boé a Corvara vëgnel tigní la domënia ai 14 de setëmber na festa de fin de sajun. Al gnará pite spezialités gastronomiches y musiga dal vi tles üties dl raiun.
14.09.
Senté lëgns sön Ciaulunch
Tl’area de bosch desdrüta da Vaia dl 2018 sura Corvara tla zona dl Planac pón dé n contribut ala natöra jon a senté n lëgn. Por tó pert pón cumpré n lëgn online sön la plataforma WOWnature y la domënia ai 14/09 jí a le senté adöm a esperc dl proiet Etifor dales 11:30 inant.
14.09.
Di dla cumpaníes ladìnes
I Scizeri de Urtijëi mët a jì n dumënia ai 14 de setëmber l prim »Di dla cumpaníes ladines«. L unirà adalerch la cumpaníes di Scizeri dla val Badia, de Fedom, Ampëz y de Fascia. N se anconta dala 9:30 sun plaza S. Antone a Urtijëi per festejé pona dala 10:30 deberieda la Santa Mëssa te dlieja de San Durich. Daldò ie duc nviëi tla Cësa di Cungresc, ulache l rujenerà dala 12:30 Steven Vergauwen; dala 13:00 scumëncia la festa cun mujiga.
17.09.
Fiera a Moena
En mercol ai 17 de setember dut l dì a Moena l é la Fiera de setember con i stonc de la marcià e magnadiva te paisc e jun Navalge.
18.09.
»Nos Ladins«
Tres l’iniziativa Nos Ladins an la poscibilité de descorí deplö sura le monn ladin y ince sura i mistirs de nosta jënt. Ai 18 de setëmber pón fa n’escurjiun al florí de sorëdl cun Gabriel sön Crëp de Sela che mostra co fá foto. Informaziuns y prenotaziuns pro i ofizi turistics.
19-21.09.
Festival del Spretz Tzaorì
Dai 19 ai 21 de setember a Moena e Soraga l é la Festa del Spretz Tzaorì. En sabeda ai 20 da les 12:30 desmonteèda a Soraga con picol marcià; en domenia da les 10:30 te piaz Sotegrava vegn taà ju la set moles de formai e da les 11:45 rua la vaces da mont.
21.09.
Culinarium Urtijëi
Na esperienza culinaria y gastronomica particulera uniràl a s’l dé te de plu restauranc de Urtijëi, nchin ai 12 de utober. La strutures che fej pea ie: Restaurant Genziana, Costamula Restaurant, Stua Catores, Anna Stuben, Ustaria Da Checco, Restaurant Mont Sëuc, Restaurant Tubladel, 4 Sajons Restaurant, Stube Vives, Café Restaurant Val d’Anna, Restaurant Pizzeria Lamm y Ustaria Traube.
Chino
Atualmenter
Al chino de Pardac
Insnet, vender ai 12 de setember da les 21:00 l é »Conjuring-Il rito finale«, sabeda ai 13 da les 21:00 l é »I Roses«, domenia ai 14 da les 17:30 l é »I Puffi il film« e da les 20:30 l é »Conjuring-Il rito finale«, jebia ai 18 e sabeda ai 20 da les 21:00 e domenia ai 21 da les 20:30 l é »Life of Chuck«. Info su www.cinemapredazzo.it
Atualmenter
Al chino de Tieser
Doman, sabeda ai 13 de setember da les 21:15 e domenia ai 14 da les 20:30 l é »Downton Abbey 3-Il Gran finale«, mercol ai 17 da les 20:45 l é l film »Altrove« de Trento Film Festival 365, vender ai 19 da les 21:15 l é »Material Love«. Info su www.cinematesero.com
Dotours
Dutor Gherdëina
L dutor de servisc da n sada ai 13.09. dala 08:00 daduman nchin la 08:00 daduman de n lunesc ai 15.09. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 13 y 14 de setëmber, é la doturia Stefania Febbraro, Al Plan, tel. 377 3288595.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 12.09. nchin n vënderdi ai 19.09. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L’apoteca en sorvisc fora dl orar ordinar, dal vëndres ai 12 de setëmber dales 19:00 al vëndres ai 19 de setëmber ales 19:00, é chëra da Corvara, tel. 0471 830237.
Sozial
Atualmenter
Portel de scout mediazion familia
L
View the embedded image gallery online at:
https://www.lausc.it/manifestazions-y-evenc/30316-manifestazions-atuales-speziales#sigProIdeb834f3528
https://www.lausc.it/manifestazions-y-evenc/30316-manifestazions-atuales-speziales#sigProIdeb834f3528
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 25 de setëmber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
12.09.
Deberieda – jita sal Kaserhof sëura Bulsan
N se anconta ncuei, vënderdi ai 12 de setëmber dala 13:30 dan la Cësa de Paussa a Urtijëi per fé na bela jita n cumpanìa cun i cumpanies de Bulsan »Lo spaziosissimo«. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.
17/18.09.
La sanità de la eles
I Assessorac del Comun de Sèn Jan met dant na lingia de scontrèdes su la sanità de la eles: bonstèr e prevenzion, te sala de Comun a Poza da les 20:30: en mercol ai 17 de setember ‘Medejina de genere’ con la dr.a Elena Bravi; en jebia ai 18 ‘Prevenzion ginecologica: endometriosi’ col dr Gianluca Marcomin.
21.09.
Sensibilisazion sul Alzheimer
L meis de setember l é dedicà a la sensibilisazion sul Alzheimer con na lingia de scontrèdes te duta la Provinzia de Trent. Te Fascia, per endrez del Comun General, en domenia ai 21 de setember da les 20:30 te chino Marmolèda vegn moscià l documentarie per ingleis con i sotitoi »Keys, bags, names, words – ricordi di demenza: storia di speranza«.
Mujiga
12.09.
Conzert de la Musega da Poza
En vender ai 12 de setember da les 21:15 la Musega de Poza ponta via en defilèda da Sèn Nicolò e la rua te tendon de la manifestazions olache la porta dant l conzert.
13.09.
Stabat Mater a Ciavaleis
En sabeda ai 13 de setember da les 21:00 te la Pieif de Ciavaleis la sociazion Le Muse e Le Dolomiti porta dant l conzert ‘Stabat Mater’ de Gioachino Rossini con Francesca Lanza sopran, Oda Zoe Hochscheid mezsopran, Zhou Xun tenor, Diego Maffezzoni bas, Stefano Gibellato pianofort con l Cor Città de Piazzola sul Brenta e l diretor Paola Piana.
14.09.
Cianté y soné sön munt
Pro la ütia La Tambra sön le ju de Ciaulunch podarán aldí en domënia ai 14 de setëmber n conzert dla seria »Cianté y soné sön munt« cun le duo Bruno y Lois dales 13:30 inant.
14.09.
Bandes sa mont
En domenia ai 14 de setember per la scomenzadiva ‘Bande in vetta’ da les 10:30 al Refuge Salei sun Sela l é l conzert de la Musega de Levico Terme.
Sport
16.09.
Juech de amezizia danter l HC Gherdëina y i Wipptal Broncos
Ai 16 de setëmber dala 20:30 jugherà l HC Gherdëina contra i Wipptal Broncos, te n juech de amezizia tl stadio dala dlacia Pranives te Sëlva.
20.09.
HC
View the embedded image gallery online at:
https://www.lausc.it/manifestazions-y-evenc/30316-manifestazions-atuales-speziales#sigProIdeb834f3528
https://www.lausc.it/manifestazions-y-evenc/30316-manifestazions-atuales-speziales#sigProIdeb834f3528
L HC Gherdëina nvieia ala partida contra l Sportivi Ghiaccio Cadore, ai 20.09. dala 19:30 tl stadio Pranives te Sëlva.
21.09.
Vertical Bufaure
En domenia ai 21 de setember Inout e la sozietà de impianc endreza l Vertical Bufaure, tapa del zircuit FFB, na garejèda de corsa de 3,4 chilometres e 750 metres de dislivel. Se ponta demez da les 10:00 te piaz de Comun, da les 12:00 pasta party al refuge Bufaure e da les 14:00 premiazions. Info e iscrizions: www.inout fassa.com.
Mostres y Ert
Atualmenter
Operes de Matthias Sieff a Limone
L’à inom »Presenze« l’esposizion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia carateriestiches gran operes restarà fora da poder veder per dut istà, enscin al meis de otober.
Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejënta si lëures nchin a mez setëmber.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contrades y la manira da tigní tiers.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Danterite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup artistich dl dagní.
10.–14.09.
UNIKA – Fiera dl’ert
Tl Zënter dal Tennis de Runcadic/Urtijëi iel chisc dis la mostra tradiziunela UNIKA. La giaurida ie stata ai 10 de setëmber dala 18:00. Chertes de ntreda giàpen diretamënter pra la mostra o tla Lies dl Turism de valeda, priesc (sëura i 18 ani): 10,00 euro. La mostra sarà da udëi nchin ai 14 de setëmber, dala 10:00–19:00.
13.09.
UNIKA’s Long Night
Tl zënter dal Tennis a Runcadic uniràl a se l dé la »Nuet longia dl’UNIKA«, n sada ai 13 de setëmber dala 20:30 inant.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
16.09.
Eie e speie cultura: cost o investimënt
Dales 20:50 ca. Test y regia Cinzia Pistoia, produziun Pennpro, a cura de Alessandro Dapunt.
17.09.
Trail Spezial
Dales 20:50 ca. A cura dla redaziun ladina.
18.09.
Personalites dla Ladinia Lois Craffonara
Dales 20:50 ca. Test y regia Rut Bernardi, produziun Obexer, a cura de Leo Senoner.
Radio
12.09.
Rodes Gherdëina cumplësc 50 ani
Chëst ann iel avisa 50 ani ca, che n ova metù su l »Club Rodes Gherdëina« y per lecurdé chësc anuel iel unì metù a jì n sada, ai 6 de setëmber, na ancunteda sun Mont de Pana per festejé deberieda. L presidënt Günther Nocker conta de coche ie strutureda la lia y de si ativiteies y pona iel mo da audì testemunianzes da pert de bera Andrea Hofer de Oslberg, Markus Kostner da Stlujuc y Walter Bergmeister. Trasmiscion de Alex Runggaldier.
14.09.
Eva Perathoner y si mestier da śotlera
»Drapù, nsci ti à Eva Perathoner de 25 ani dat inuem a si pitla mpreja. Ëila ie śotlera y nes conta coche la ie ruveda pra chësc mestier y cie lëures che la se tol su de fé. Ntervista de Valeria Bernardi.
Cursc
22.09.
Curs per mparé a fé crafons da segra
L KVW de Sëlva mët a jì n curs per mparé a fé crafons da segra cun Adriana Prinoth Senoner, n lunesc ai 22 de setëmber dala 14:00 nchin la 19:00.
Religion
01. – 06.10.
Pelegrinaje a Medjugorje
Dal 1. ai 6 de otober vëgnel organisé n pelegrinaje a Medjugorje. Informaziuns y prenotaziuns pro Daniele y Patrizia Agostini al 335 5268546 o al 347 7537887.
06. – 09.11.
Pelegrinaje jö da Padre Pio
Dai 6 ai 9 de novëmber vëgnel metü a jí n pelegrinaje a Manopello, a San Giovanni Rotondo jö da San Padre Pio y a San Michele al Gargano. Informaziuns y prenotaziuns pro Daniele y Patrizia Agostini al 335 5268546 o al 347 753 7887.
Avisc
14.09.
»Jí, gní, resté«
Serada a San Martin tl Istitut Ladin en domënia ai 14-09 dales 18:00 cun auturies y auturs jogn dla Val Badia che pënsa sura y se mosöra cun la cuestiun »Ci ó pa dí se sintí da ciasa?« Cun tesć y musiga.
Atualmënter
Iniziativa di ëi de Puster – MIP
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
17.09.
Auto dla zentrela di cunsumadëures
N mierculdi ai 17 de setëmber saràl n servisc l auto dla zentrela di cunsumadëures sun Plaza de dlieja a Urtijëi. L ie n servisc de nfurmazion y cunsulënza, che dà la puscibltà de se tò pea material de nfurmazion sun argumënc spezifics coche assegurazions, nvestimënc finanzeres, telecomunicazion, frabiché y n. i.. Oradechël puderàn fé n test di zeluleres (mesurazion di raies).
