La Usc di Ladins

Cursc da jadiné
L’Ice Club Alta Badia organisëia indô cursc por mitans y mituns dai 4 agn insö
I cursc da jadiné pëia ia ai 22 de setëmber y vá inant cina ai 18 de de­zëmber. Por les mitans y i mituns che vá a scora, sará le curs vigni lönesc y mercui dales 16:00 ales 16:45; por mitans y mituns dla scolina vigni mertesc y jöbia dales 14:45 ales 15:30, o dales 15:30 ales 16:15. Le cost dl curs é de 180,00€ por dui dis al’ede­ma y 120,00€ por un n de al’edema. 
Por informaziuns y iscri­ziuns prëibel cherdé sö o scrí al numer 339 432 7329, do les 17:00.

Massa trafich sön i jus. Y sëgn pa?
En mertesc ai 16 de setëmber dales 19:30 él tla Ciasa dla Cultura a La Ila na mësa torona por baié dla problematica dl trafich söi

• 
•  

View the embedded image gallery online at:
https://www.lausc.it/manifestazions-y-evenc/30317-manifestazions-atuales#sigProId94fb378969

jus
Le trafich söi jus é na tematica dassënn atuala y debatüda. Le Lia da Munt Ladinia organisëia na mësa torona, sot al titul »Massa trafich sön i jus. Y sëgn pa? I nen baiun!«, en mertesc ai 16 de setëmber dales 19:30, tla Ciasa dla Cultura a La Ila. 
Do le salüt de Davide Schuen, presidënt dla Lia da Munt Ladinia, sarál l’espert de mobilité Philip Kleewein (kyklos GmbH) che tëgn na introduziun. Ala mësas torona tol pert l’assessur ladin Daniel Alfreider, l’Ombolt dl Comun de Badia Christian Pe­devilla, la co–surastanta di Vërc Elide Mus­sner, le rapresentant ladin tla lia provin­ziala di iagri Luca Complojer, l’ostí y acom­pagnadú cun rodes Klaus Irsara y le diretur dla Cooperativa Turistica Alta Badia Max Nagler. Al moderëia Jasmin Ferdigg.

Maratona dles Dolomites
De dla porta daverta
Dötes y düc é dër bel inviá al de dla porta da­verta tla sënta nöia dla Maratona dles Dolo­mites a La Ila, str. Ninz 65, en sabeda ai 20 de setëmber 2025 dales 14:00 ales 18:00. 
Le Comité Maratona dles Dolomites se con­forta ala jënt.

Massa trafich sun i jëufs. Y śën?
La Lia per Natura y Usanzes, deberieda al AVS, nvieia a na sëura de discuscion n merdi ai 23 de setëmber dala 20:00
La sëira de discuscion sarà tla Cësa di Cungresc a Urtijëi, cun na ntro­duzion de Martin Resch. 
L sarà prejënc Daniel Alfreider, Tobias Nocker, Christoph Vinatzer, Andreas Schenk, Helmuth Moroder, Georg Simeoni. Evi Keifl menerà tres la sëira.

Miko sun l viac de viers di culëures
L

• 
•  

View the embedded image gallery online at:
https://www.lausc.it/manifestazions-y-evenc/30317-manifestazions-atuales#sigProId94fb378969

Istitut Ladin Micurà de Rü, n cunlaurazion cun la berstot »Locia« de Urtijëi, nvieia ala prejentazion dl liber »Miko sun l viac de viers di culëures« n juebia ai 18 de setëmber dala 13:30 tl Café Surëdl a Urtijëi
L se trata de n liber per mutons y mutans, scrit da Michaela Kostner te trëi rujenedes (ladin, talian y tudësch). 
I dessënies à fat i lauranc y la laurantes dla berstot prutejeda Locia. Sëuraprò à Achim Pasolli trascrì la storia tla scritura Braille, la scritura di vierc: chësta verscion vën data ora te n liber a pert.
Duc ie de cuer nviei!

Munts dl altonn
Dai 14 de setëmber ai 5 de otober vëgnel metü a jí tl’Alta Badia l’iniziativa »Munts dl altonn« cun n program de escurjiuns, incuntades y ativités por descurí les munts y sü corusc
Por la fin dla sajun da d’isté vëgnel metü a jí sot al inom »Munts dl altonn« n program de escurjiuns y esperiënzes partides sö te trëi liví de altëza: tla val, fora por i pra y plö alalt sön les pizes de nostes munts. Pro le livel plö bas él en program na cercia de vins, na sesciun de yoga, n curs da cujiné y na roda fora por le tru di lersc. 
Tl livel mesan vëgnel pité escurjiuns ti parcs naturai, öna cun na geologa sciöche ince öna cina sö La Crusc y ince n’incuntada liada al ciajó y öna ai fonguns tles üties dl raiun dl’Alta Badia. Sö alalt pón jí cun n mënacrëp a fá döes vie ferates al florí de sorëdl o adora da duman, descurí le vedl tru di iagri o tó pert a n’escurjiun por imparé a conësce les erbes da munt. Dötes les informa­ziuns söl program ciáfon sön la plata internet o ti ofizi turistics dl’Alta Badia, olache an pó ince fá les iscriziuns por tó pert ai apuntamënc.

Cursc de Badiasport
Nodé por adulc, nodé y atletica por mitans y mituns, alenamënc da nodé y atletica. Cun l’altonnn pëia ia i cursc
Nodé y atletica por mitans y mituns 2024/2025
Prinzipianc
Badiasport organisëia indô un curs da nodé y atletica por prinzipianc (cun Cristina y Davide). Le curs da nodé vëgn tigní de lönesc tla nodadoia da La Ila y de mertesc por l’atle­tica, por la spana de tëmp otober cina ma. L’iscriziun vëgn fata cun le formular (iscriziuns por e-mail o telefon ne gnará nia tutes en consci­deraziun). Cost: 200,00 €
Iscriziun prinzipianc y alenamënc
Badiasport mët indô a jí cun otober alenamënć da nodé y atletica (cun Verena, Giulia y D­a­vide). Al vëgn insigné i stii lëde, spiné, arosch y delfin. L’atletica lisiera alza fora les capazités de coordinaziun y condiziun, y insëgna les formes de basa dles disciplines. Nodé: vigni jöbia tla nodadoia da La Ila, atletica: vigni mertesc por la spana de tëmp otober cina ma. L’iscriziun vëgn fata cun le formular (iscriziuns por e-mail o telefon ne gnará nia tutes en conscideraziun). Cost: 220,00 €. https://forms.gle/QYWapC2uR2zwKrPL9
Skimo Junior Power Team
Cun otober mët man indô i alenamënc por le skiturn, le training é ponsé por mitans y mituns cun eté dai 14 ai 20 agn. 
Al vëgn fat na preparaziun por spo d’invern podëi tó pert ales gares de skiturn. Al vëgn fat n iade alena­mënt te palestra y dui iadi alenamënt alaleria. Chëres y chi che é interessá pó scrí na e-mail a posta@badiasport.org
Nodé por adulc
Cun otober mët indô man »Nodé adüm« – nodé por adulc cun Verena. Al vëgn insigné i 4 stii: lëde, spiné, arosch y delfin, y mioré la coordinaziun y la condiziun. 
Le curs vëgn tigní tla nodadoia da La Ila vigni mertesc por la spana de tëmp otober cina ma. Al ne se trata nia de en curs por prin­­zipianc, porchël vëgnel damané les capa­zités de basa dl nodé. 
L’iscriziun mëss gní fata cun le formular (iscriziuns por e-mail o telefon ne gnará nia tutes en conscideraziun). https://forms.gle/RCpuBrhYA4vk9kuf7