La Usc di Ladins

L era la fin del 1800 canche scomenzèa a se fèr lèrga l’idea de na ferata che da Trent mene te la val de Fiem, pean via da Lavis per ruèr fin a Moena. Pech do da Busan l é ruà la seconda proponeta, su la streca Egna-Pardac. L projet trentin é ruà al projet esecutif realisà del 1904 dai enjegneres Stern & Hafferl da Vien, ma dapò la Gran Vera à ferà dut.
Chesta notes storiches vegn portèdes dant da Massimo Girardi, president de Transdolomites, che à metù a jir ti egn passé l trekking te la valèdes de la Veisc. Con l obietif de istituzionalisèr chesta scomenzadiva l é stat pissà de creèr n percors che dovente cognosciù e posse vegnir fat fora per dut l an, a pe e con la roda, e l valorisèr con tabeles che recorde l projet de la ferata Lavis-Moena del 1904 e che fae cognoscer l’idea de na mobilità che fossa amò atrativa e sostegnibola, metan dant ence informazions sui lesc che vegn passé for.

Se pel lejer dut su La Usc nr 40 dai 17 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (LG)