La Usc di Ladins

I sfoes di dis passé ge à dat lèrga al cedean di 75 egn del gran schiador Gustav Thöni, nasciù ai 28 de firé del 1951 a Trafoi te l’auta Finsca. L sfoi Dolomiten de en vender ai 27 firé l publica na ciacolada col gran atlet di egn 1970.
Recordon ence nos chest cedean e da la piates de La Usc ge venjon a Gustav sanità e che l posse se goder a lonch la maraveousa monts di crepes del Ortles che ge fasc corona a sie paisc Trafoi, sia familia, sie hotel Bella Vista Schönblick e duc sie peconc, amisc e atlec che l à cognosciù.
Scrive cheste doi risse percheche personalmenter é valch recort de canche l ruaa te Soraga, l era i egn de sia ventes internazionèles, i egn dal 1971 al 1978, l era pecont e amich del sartor Marcello Brunel de Cela. Te sia boteiga, te piaz Cioch a Soraga, ruaa bendeche atlec e atletes de nonzech. Gustav l ruaa con sie jerman Roland rechia, con Marcello Varallo de Badia, con Erwin Stricker, Fausto Radici e etres schiadores de la famousa ‘Valanga Azzurra’ di egn ’70. I ruaa canche le gare de schi le era fenide, via per l meis de oril, entorn Pasca via.

Podede lejer dut su La Usc dai 6 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Fernando Brunel de la Riza)