La Usc di Ladins

»Dal pröm momënt inant âl cun süa presënza porté n valur ajuntif tl’uni­un«, é stades les parores di rapresen­tanc dl Ski Team Alta Badia che á alzé fora l’alenadú da Sëlva por so engajamënt tla formaziun y tl acompagnamënt de altec jogn. Cun na lëtra bindebó lungia á le Ski Team Alta Badia dé jö la candidatöra de Karl Mussner por la proclamaziun de »alenadú dl ann«: »n alenadú de suzes, che por dezens á modelé le sport da d’invern tl Südtirol cun pa­sciun, manira y na dediziun stra­ordinara«. Pordërt ponsâ l’alena­dú dan da dui agn, canche al â arjunt i 50 agn d’ativité tl monn dl schi, che al foss gnü l’ora da tó comié. Deperpo n’él nia sté meso por Karl Mussner da dé sö tan atira la pasciun por le schi y chëra por l’insegnamënt.


Por süa ativité da alenadú tl Ski Team Alta Badia é Karl Mussner gnü proclamé dala FISI dl Tirol dl Sud »alenadú dl ann« ai 17 de jügn a Balsan.


L'articul intier ciafëise da lí tla ediziun nöia de La Usc di Ladins, publicada vëndres ai 26 de jügn!