La Usc di Ladins

L’à inom ‘Eburnea – Geometries del acort’ la mostra personèla del artist da Gries Claus Soraperra che à troà spazie te la galaria d’èrt contemporana Ufofabrik de Mauro Defrancesco da Moena.

N spazie no gran ma adatà a la teiles che Soraperra à volù meter en esposizion. Se trata de la pruma mostra de chest istà del projet artistich del galarist Defrancesco che se dèsc ju per fèr cognoscer i artisć e sia operes. En sabeda ai 11 de messèl, te strada de Gocialch 4 a Moena, via per l domesdì se à binà n bel grop de amisc e de joegn artisć e pascioné de èrt, anterite ence vèlch studenc del professor del Liceo artistich de la Scola Ladina. N moment de inaugurazion pissà per orir la mostra ma soraldut per fèr cognoscer l nef percors artistich del pitor. »Do l Covid é arbandondà dut l descors de la fegura e me é dat ju a chest projet, na enrescida olache la pitura no l é demò n strument, ma l sens del enrescir« ne à dit Soraperra.

Podede lejer dut su La Usc stampèda dai 17 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)