Da l’esperienza che ALFID é do che la porta inant tras l Portel de Scout, Orientament e Mediazion familièra, l é vegnù fora l besegn de creèr momenc de confront anter genitores per compagnèr i fies te sie percors de crescimonia e renforzèr sia competenzes de genitores. L Servije sozio-assistenzièl à tout su chesta domana e l à tout ite la Scola Ladina e autra realtèdes del teritorie che, ensema a ALFID, à proponet chest projet che se met dant l obietif de sostegnir l esser genitores.
Per chest l é stat endrezà trei momenc spartii dediché ai genitores aldò de l’età di fies. Chisc momenc é vidé da profescionisć esperc e sarà ocajions de baratament de esperienzes travers ativitèdes de laboratorie.
L prum, »Genitores te la vita da duc i dis«, é en jebia ai 26 de november da les 13:30 a les 15:00 ló da la Coa di picioi a Soraga e l é out a genitores de bec da 0 a 6 egn; l secont dal titol »Genitores zenza manual« per genitores de joegn e joenes dai 13 egn en su l é en mercol ai 2 de dezember da les 20:00 a les 22:00 al Zenter sozio-educatif Ensema se muda a Sèn Jan; l terz dal titol »Che posse pa fèr per…?« l é en jebia ai 10 de dezember da les 20:00 a les 22:00 semper al Zenter Ensema se muda de Sèn Jan per i genitores de bec e bezes dai 6 ai 12 egn. (CT)
Sentir, rejonèr e viver l dejiderie de esser genitores
L Servije sozio-assistenzièl del Comun General de Fascia, en colaborazion con la Scola Ladina, sostegn na lingia de laboratories endrezé da ALFID con Projet 92 e la Coccinella.
Galaria retrac
View the embedded image gallery online at:
https://www.lausc.it/valedes-ladines/fascia/32952-sentir-rejoner-e-viver-l-dejiderie-de-esser-genitores#sigProIda56a65f0f2
https://www.lausc.it/valedes-ladines/fascia/32952-sentir-rejoner-e-viver-l-dejiderie-de-esser-genitores#sigProIda56a65f0f2




