La Usc di Ladins

Dant da Nadèl, en vender ai 19, se à serà su con n spetacol l sesto laboratorie de teater per gregn endrezà da la regista Michela Marangoni, n grop che muda e che an do an tol ite de neva persones. Enstadì i à portà dant sun paladina del Paladolomites »Gran varietà. Vite immaginarie del circo«, na comedia scrita ju da Marangoni enstessa ge jan do a toc de Karl Valentin e Marco Belpoliti.

L spetacol se à avert con doi personajes, Marika e Pietro, che chier de meter su endodanef n circo, imaginarie, e i lo fèsc con na patofia en rima… ma ge vel ge creer, noe, Pietro? L prum tentatif l va en fum, ma la seconda outa vegn chiamà sun paladina na zopa de personajes, che rua da junfon la sala su. Belimpont ence chesta l é stat na carateristica de chest toch de teater: vegn rot l ‘quarto parei’ e da spes i protagonisć i domana l’interazion del publich. Viapura, Marika e Pietro i se fegura n circo, olache i prejentadores, Matteo e Chiara, i se enterza coi talenc e con la vites di protagonisć del circo.

Dut l articol su La Usc stampèda nr 50 de en mercol ai 25 de dezember del 2025.   (Nicoletta Riz)