La Usc di Ladins

D’aurí dl 2025 ne ciarâra fora nia cis bun por les ciases di pici dla valada, tan che amez ma êl gnü a s’al dé na »incuntada por garantí les ciases di pici tla Val Badia«. A Balsan s’â incunté l’assessuria provinziala ales families Rosmarie Pamer cun perts desvalies; danter assessurs provinziai desfarënc, êl ince i rapre­sentanc di comuns dla Val Badia y la responsabla dla cooperativa »Casa Bimbo«, che á al momënt en gestiun les ciases di pici tla valada. (La Usc di Ladins â scrit) 
A mëte en dificolté les amini­straziuns comunales tl garantí n sorvisc de assistënza por i mëndri dai 0 ai 3 agn, êl la ciarestia de personal cualifiché. »Niores grijes sura les ciases di pici« ê le titul cun chël che i ân descrit i ultims svilups tl’ediziun di 23 de ma. 
»Co garantí n sorvisc sce degönes cooperatives ne se fej inant por surantó la gestiun dles strotöres?« ê la domanda cun chëra che i comuns gnô confrontá. 

Da jügn inant él gnü moscedé les chertes sön mësa, davagné tëmp y valuté les alternatives por ne dé nia sö daldöt chësc sorvisc de gran importanza por les families. Sëgn röia l’ann a piz y te val’ comun somëiel che le cil sura les ciases di pici s’ais valgamia stlarí fora, tres la presënza de na cooperativa jona che s’á fat inant.


Liede inant tla ediziun nöia da incö, mercui 24 dezëmber!