La Usc di Ladins

Dotours
Dutor Gherdëina
L dutor de servisc da n sada ai 20.09. dala 08:00 daduman nchin la 08:00 daduman de n lunesc ai 22.09. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urti­jëi, streda Trebinger 10, tel. 377/3132223.
Doturs Val Badia
Le dotur en sorvisc ti cin’ co­muns dla Val Badia, tla fin dl’edema di 20 y 21 de setëm­ber, é le dotur Eduard Agrei­ter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 19.09. nchin n vënderdi ai 26.09. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 19 de setëmber dales 19:00 al vëndres ai 26 de setëmber ales 19:00, é chëra da La Ila, tel. 0471 847152.

Cursc
22.09.
Curs per mparé a fé crafons da segra
L KVW de Sëlva mët a jì n curs per mparé a fé crafons da segra cun Adriana Prinoth Senoner, n lunesc ai 22 de setëmber dala 14:00 nchin la 19:00.

Avisc
Atualmenter
Jon a pe… Vegneto?
Jir a pe fasc ben, fat de seghit l val l dopie e ensema l é ence gustegol, per chest l Comun de Sèn Jan à endrezà na bela scomenzadiva: se se troa vigni mercol da le 9 dadoman ló dal festil del Parch di jeghes de Poza per far n troi sorì che pel far duc, compagné da n volontadif. Basta se tor do ciuzè sorii, mingol de aga e la voa de star ben.
20.09.
Marcià de San Matië
L marcià de San Matië unirà a se l dé n sada ai 20 de setëm­ber dala 08:00 inant tl raion da jì a pe de Urtijëi.
23.09.
Massa trafich sun i jëufs. Y śën?
La Lia per Natura y Usanzes, deberieda al AVS, nvieia a na sëira de discuscion n merdi ai 23 de setëmber dala 20:00, tla Cësa di Cungresc a Urtijëi, cun na ntroduzion de Martin Resch. L sarà prejënc Daniel Alfreider, Tobias Nocker, Christoph Vinatzer, Andreas Schenk, Helmuth Moroder, Georg Simeoni. Evi Keifl menerà tres la sëira.

Chino
Atualmenter
Al chino de Pardac
Doman, sabeda ai 20 de setem­­ber da les 21:00 e dome­nia ai 21 da les 20:30 l é »Life of Chuck«. Info su www.cinemapredazzo.it
Atualmenter
Al chino de Tieser
Insnet, vender ai 19 de setem­ber da les 21:15 l é »Material Love«, sabeda ai 20 da les 17:30 e da les 21:15 e domenia ai 21 da les 17:30 l é »Il mio amico pinguino«. Info su www.cinematesero.com
19.09.
Aur l Kino a Cianacei
Insnet, vender ai 19 de setem­ber vegn inaudà l Kino a Cianacei. Da les 19:00 duc é envié a veder debant l film »The Grand Budapest Hotel« e dapò a se fèr na viva per l nef Kino.

Referac
24.09.
La relaziun danter uma y möt
Le Consëi de formaziun da San Martin inviëia a na serada cun la dot.ra Giuliana Fan­chini, dal titul »La vidlada che varësc: ci é pa la relaziun danter uma y möt? Ci se müda pa?« Al gnará fat reflesciuns psicologiches, acompagnades da n valgügn depënc. La sëra é por talian y vëgn tignida en mercui ai 24 de setëmber dales 19:30, tl gran salf dl Istitut Ladin.

Mostres y Ert
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmënter
»Please, could you stop the noise?«
Tl Tublà da Nives ie metuda ora la mostra de Maurizio Ciancia, che resterà da udëi nchin ai 12 d’utober, uni di ora dl lunesc dala 16:00 nchin la 19:00.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, ola­che al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes con­trades y la manira da tigní tiers.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Dan­ter­ite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup artistich dl dagní.

Segres y Festes
27.09.
Festa dla castanies
L VKE nvieia duta la mutans y i duc mutons ala festa dla casta­nies cun juesc y deverti­mënt. N sada domesdì ai 27.09. sun la plaza dai juesc dan la scola elementera de Urtijëi.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 25 de setëmber. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
21.09.
N film sul Alzheimer
L meis de setember l é dedicà a la sensibilisazion sul Alz­heimer con na lingia de scon­trèdes te duta la Provinzia de Trent. Te Fascia, per endrez del Comun General, en dome­nia ai 21 de setember da les 20:30 te Kino a Cianacei vegn moscià l documentarie per ingleis coi sotitoi »Keys, bags, names, words – ricordi di demenza: storia di speranza«.
22/24.09.
La sanità de la eles
I Assessorac del Comun de Sèn Jan met dant na lingia de scontrèdes su la sanità de la eles: bonstèr e prevenzion, te sala de Comun a Poza da les 20:30: en lunesc ai 22 de setember ‘L percors de nascita, la app TreC mamma’ con l dr Fabrizio Taddei; en mercol ai 24 ‘Malaties del cher e del sanch’ col dr Maurizio Del Greco.

Leteratura
03.10.
L’ert per l’ert
Tla Cësa di Ladins a Urtijëi vëniel metù a jì na sëira leterer – mujichela tla rujeneda ladina, cun Rut Bernardi & la grupa »Eseleptitun«, n vën­derdi ai 3 de utober dala 20:00. Ntreda liedia. Per l publich tudësch y talian uniràl metù a jì la sëira tla Carambo­lage a Bulsan, cun l cudejel cun traduzions tl tudësch y tl talian: n juebia ai 13.11. dala 20:00.

Sport
20.09.
HC Gherdëina II vs. Sportivi Ghiaccio Cadore (IHL Divijion I)
L HC Gherdëina nvieia ala par­tida contra l Sportivi Ghi­ac­cio Cadore, ai 20.09. dala 19:30 tl stadio Pranives te Sëlva.
21.09.
Verical Bufaure
En domenia ai 21 de setember Inout e la sozietà de impianc endreza l Vertical Bufaure, tapa del zircuit FFB, na gare­jèda de corsa de 3,4 chilome­tres e 750 metres de dislivel. Se ponta demez da les 10:00 te piaz de Comun, da les 12:00 pasta party al refuge Bufaure e da les 14:00 premiazions. Info e iscrizions: www.inout fassa.com.
25.09.
HC Gherdëina vs. S.G. Cortina Hafro
Tl stadio Pranives de Sëlva saràl ai 25 de setëmber dala 20:30 la partida dl campiunat AHL (Alps Hockey League) danter l HC Gherdëina y l S.G. Cortina Hafro.
08.10.
Natöra

• 
•  

View the embedded image gallery online at:
https://www.lausc.it/manifestazions-y-evenc/30343-manifestazions-atuales#sigProId93139ca076

sön le corp – »Heilsalben«
Le Consëi de formaziun da Rina organisëia n curs da fá unghënc y öri de bëgnsté por la pel y le corp cun Lucia Sorà sot al moto »Impa­run, cheriun y tolun para«. Al gnará splighé coche an pó se fá cremes y unghënc (»Heil­salben«), öri y tintöres a ciasa cun produc naturai. L’apuntamënt é por en mercui ai 8 d’otober dales 19:30 tl foyer dl Salf dles uniuns a Rina. Cost: 20 Euro (por curs y mate­rial). Infos y prenotaziuns: anter le 1.10. al tel. 349 8462273 (Nicole).

Temp Lede
19-21.09.
Festival del Spretz Tzaorì
Dai 19 ai 21 de setember a Moena e Soraga l é la Festa del Spretz Tzaorì. En sabeda ai 20 da les 12:30 desmonteèda a Soraga con picol marcià; en domenia da les 10:30 te piaz Sotegrava vegn taà ju la set moles de formai e da les 11:45 rua la vaces da mont.
20.09.
Gní de munt
En sabeda ai 20 de setëmber pón odëi a Badia i tiers che vëgn de munt dales 15:30 inant pro la ciasa J.B. Runcher. Te chësc post jará la festa inant cun musiga y val’ da mangé, dales 20:30 inant sona le grup Woaz­­gruiba te Salf dles mani­fe­staziuns, por aorela cörta y balé.
21.09.
Cianté y soné sön munt
La linia de conzerc »Cianté y soné sön munt« tl’alta Val Badia se stlüj jö cun l’apunta­mënt di 21 de setëmber dales 13:30 pro la ütia »I Tablá« sura La Ila cun le »Arton Duo«.
21.09.
Culinarium Urtijëi
Na esperienza culinaria y gastro­nomica patriculera uniràl a s’l dé te de plu restau­ranc de Urtijëi, nchin ai 12 de utober. La strutures che fej pea ie: Restaurant Gen­ziana, Costamula Restaurant, Stua Catores, Anna Stuben, Ustaria Da Checco, Restau­rant Mont Sëuc, Restaurant Tubladel, 4 Sajons Restaurant, Stube Vives, Café Restaurant Val d‘Anna, Restaurant Pizze­ria Lamm y Ustaria Traube.
21.09.
Munts dl altonn
Tres le program »Munts dl altonn« pon tó pert ai 20/09 a n’escurjiun fora por le vedl tru di iagri a La Ila, ai 25/09 van sö La Cursc fora por i pra d’Armentara y ai 27/09 pon fó la via ferrata dl Vallon a Corvara. Tla ütia I Tablá an la poscibilité ai 21/09 da ciarcé ciajos y ai 23/09 pon tó pert a n curs da cujiné cun Davide pro le lüch Sompunt a Badia. Informaziuns y iscri­ziuns ti ofizi turistics.
27.09.
»Delicious Trail Dolomiti«
La sabeda ai 27 de setëmber vëgnel organisé na gara de trail running che combinëia le salté sö por munt cun la gastro­nomia. Por le cuart ann vëgnel organisé n percurs mesan de 35km y 1900m de dislivel che pëia ia da La Ila dales 9:00 y röia a Pocol sura Cortina. Informaziuns sot a www.delicioustrail.it
27.09.
Di dla rëies daviertes
La Lia Uciei Gherdëina nvieia duc a unì a ti cialé a si atività scientifica, n sada ai 27 de setëmber. N possa passé can­che n uel, danter la 9:00 y la 12:00, dlongia la plaza dai auti tla segonda raida sëura l restaurant Gerard sun Sela de Culac.

Iadi y Jites
21.09.
Jita tl Pfossental
La grupa »Nëus granc y pitli« dla Lia da Mont Gherdëina mët a jì chësta jita ai 21 de setëmber. N se anconta dala 10:00 dal Gasthof Jägerrast (Vorderkaser). L unirà maià zeche ora dal flucion. L sarà da jì feter 3 ëura (n possa jì nce cun l bagl), cun n deslivel de 400 m suvier y 400 juvier. Per la iscrizions o per plu nfur­­mazions: Verena 335 5475128 (tres Whatsapp).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
23.09.
Natura e ambient – do vaia l padiment de nosc bosc’
Dales 20:50 ca. Test y regia Luciana Detomas, produziun Pitnerfilm, a cura de Alessan­dro Dapunt.
24.09.
Trail Spezial
Dales 20:50 ca. A cura dla redaziun ladina.
25.09.
Euro-Tv – magazín de economia
Dales 20:50 ca. Test y regia Diego Clara, produziun Zak, a cura de Leo Senoner.

Radio
19.09.
Raffael Stenico, bedaia d’or pra i Euroskills 2025
Gherdëina à inò na bedaia de or, na bedaia europeica ma no na sportiva ma una ar­jonta pra na cumpetizion dl arte­janat. Nfati a Herning iel stat dai 9 nchin ai 13 de setëmber 2025 i Euro­­skills, i campiunac euro­peics di artejans y tlo àl fat pea 600 cuncurënc da 32 na­zions y danter chisc nce un de Gher­dëina: Raffael Stenico. Tras­miscion de Georg Mussner.
21.09.
Nce d’instà: saut sun Pana
N dumënia passeda ai 14 de setëmber iel stat sun Pana a S.Cristina na garejeda naziu­nela per i jëuni, na gare­jeda de saut y cumbinazion nordica che valova per la Coppa Talia. Sun l program fòvel garejedes de saut sun la HS21 y HS35 y pona fòvel mo de plu gare­jedes de sauté che valova per la cumbinazion nordica. Tras­miscion de Simon Moroder.