Dutor Gherdëina
L dutor de servisc da n sada ai 24.01. dala 08:00 daduman nchin la 08:00 daduman de n lunesc ai 26.01. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 24 y 25 de jená él en sorvisc ti comuns de Mareo y San Martin la doturia Margarete Mahlknecht, La Val, tel. 349 066 7034 o 0474 523018. Ti comuns de Corvara, Badia y La Val él en sorvisc la doturia Jasmine Gabrieli, La Ila, tel. 371 7515275.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 23.01. nchin n vënderdi ai 30.01. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 23 de jená dales 19:00 al vëndres ai 30 de jená ales 19:00, é chëra d’Al Plan, tel. 0474 501240.
Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Lia
View the embedded image gallery online at:
https://www.lausc.it/manifestazions-y-evenc/31123-manifestazions-atuales#sigProIdafbf3c3309
https://www.lausc.it/manifestazions-y-evenc/31123-manifestazions-atuales#sigProIdafbf3c3309
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfurmazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Sport
25.01.
Garejeda de pudejé
L Schi Club Gherdëina mët a jì n dumënia, ai 25 de jené na garejeda de pudejé pra l zënter sun Pana. La garejeda, che vel coche campiunat provinziel, scumëncia dala 10:00. Duc ie nviei a unì a sustenì i atlec.
29.01.
HC Gherdëina vs. Hockey Unterland Cavaliers
Tl stadio Pranives de Sëlva saràl ai 29 de jené dala 20:30, la partida dl campiunat AHL (Alps Hockey League) danter l HC Gherdëina y l Hockey Unterland Cavaliers.
30.01.
HC Gherdëina II vs. HCP Junior Selection (IHL Divijion 1)
L HC Gherdëina II nvieia ala partida contra l HCP Junior Selection, ai 30 de jené dala 20:30 tl stadio Pranives te Sëlva.
31.01.
HC Gherdëina vs. HC Meran/o Pircher
Tl stadio Pranives de Sëlva saràl ai 31 de jené dala 20:30, la partida dl campiunat AHL (Alps Hockey League) danter l HC Gherdëina y l HC Meran/o Pircher.
Temp Lede
Uni lunesc
Cërtl de letura
Tla biblioteca de San Durich a Urtijëi se ancónten uni lunesc dala 18:00 per n cërtl de letura cun Nicoletta. N liej deberieda l liber »Quello che possiamo sapere« de lan MacEvan. Duc possa unì a fé pea.
20.01.
Mascherèda a Penìa
L Grop de la Mèscres de Dèlba e Penìa met dant la mascherèda dal titol »L idraulico del telefon« de Fabio de la Menina, sabeda ai 31 de jené te la veia scoles de Penìa da les 20:30.
26.01.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y paslunch. Por tó pert mësson se scrí ite sot a www.scuolafondo.it
28.01.
Cun e-bike y rodes da agüs söla nëi
La Scora de schi da Calfosch mët a jí vigni mercui na escurjiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
28.01.
La Ila: cun i schi da sëra
Vigni mercui pón jí tl’Alta Badia cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
29.01.
Tru dla liösa ilominé
En jöbia ai 29 de jená dales 19:30 ales 22:30 gnarál ilominé a San Ciascian le tru dla liösa »Foram« da Piz Sorega jö. Les chertes por l’implant pón cumpré en chë sëra diretamënter pro cassa.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
27.01.
Tassie – corsc
View the embedded image gallery online at:
https://www.lausc.it/manifestazions-y-evenc/31123-manifestazions-atuales#sigProIdafbf3c3309
https://www.lausc.it/manifestazions-y-evenc/31123-manifestazions-atuales#sigProIdafbf3c3309
Dales 20:50. Test y regia Matilde Gazzini, produziun media-art, a cura de Alessandro Dapunt.
28.01.
Cuartet leterar TV – Frida Piazza
Dales 20:50 ca. Conduziun Rut Bernardi, produziun Fusago, a cura de Alessandro Dapunt.
29.01.
Euro TV – magazin de economia
Dales 20:50 ca. Test y regia Diego Clara, produziun Zak, a cura de Leo Senoner.
Informaziuns
Informazions plu menudes sun i programs de RAI Ladinia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmiscions radio sot a »Podcast«.
Radio
25.01.
Cunzert de S. Zezilia a S.Cristina
Ai 9 de nuvëmber 2025 à la Mujiga de S. Cristina tenì l cunzert n unëur dla patrona dla mujighes, Santa Zezilia. Sun l program fovel pec cun stii d’uni sort che jiva dal tlassich al modern, dala mujiga tradizionela, mujiga da film y nchin ala mujiga dal didancuei cun cumposions e Teike, Tanzer, Schostakowitsch, Chambers, Zimmer, Bublé, Kostner y Hutter. La direzion fova tla mans de Christian Hofer. Trasmiscion de Georg Mussner.
Referac
29.01.
Prim aiut naturel
N juebia, ai 29 de jené dala 20:00 vëniel metù a jì tla biblioteca de S. Durich a Urtijëi, na sëira de nfurmazion n con’ dl prim aiut naturel, cun la naturopata Alessia Dondero.
Teater
31.01.
A teater a Tieser
En sabeda ai 31 de jené da les 20:45 te teater de Tieser, per la rassegna de teater de Fiem, l é la compagnia Evoè! Teatro con l toch »Flyover Country«.
01.02.
Brundibár te Navalge per no desmentièr
En ocajion de la Dì de la memoria, la sociazion ‘Le Muse e le Dolomiti’ porta dant te teater Navalge a Moena l’opera Brundibár, che travers musega e narazion recorda la tragedia de la Shoah. La raprejentazion vegn fata en mèrtesc ai 27 resservèda ai studenc e en domenia prum de firé da les 17:30 averta a duc.
Cursc
23.01
Curs de balé
La grupa Bal Populer Sëlva y S. Cristina mët a jì n pitl curs di vares de basa walzer, polka y bayrisch polka per chi che scumëncia y nteressei ai 23 de jené, 30 de jené y 6 de fauré, for dala 20:30 tl local dla proes tla Cësa de Cultura de Sëlva. La lia nvieia nce ala proa da Carnescià ai 13 de fauré, per se fé na blòta sëira balan mascherei. L ie debant.
Chino
Atualmenter
Al chino de Cianacei
Insnet, vender ai 23 de jené da les 21:00 l é »Zootropolis 2«. Per la setemèna de la memoria en domenia ai 25 da les 21:00 l é »Gino Soldà, una vita straordinaria«, mèrtesc ai 27 da les 21:00 »La zona d’interesse«, jebia ai 29 da les 21:00 »La voce di Hind Rajab« e domenia al prum de firé da les 21:00 »Norimberga«.
Atualmenter
Al chino de Pardac
Sabeda ai 24 de jené da les 21:00 e domenia 25 da les 17:00 l é »Marty Supreme«, domenia da les 21:00 l é »Norimberga«, mercol 28 da les 21:00 l é »La Grazia«, vender 30 da les 21:00 l é »Una di famiglia«, sabeda 31 da les 21:00 l é »Marty Supreme«.
Atualmenter
Al chino de Tieser
Insnet, vender 23 e sabeda 24 de jené da les 21:00 l é »2 cuori e 2 capanne«, sabeda 24 da les 17:30 l é »La Grazia« che vegn moscià ence domenia 25 da les 20:30, enveze da les 17:30 l é »Zootropolis 2« a 5 euro, jebia 29 da les 21:00 l é »Le assaggiatrici« a 5 euro.
Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres
View the embedded image gallery online at:
https://www.lausc.it/manifestazions-y-evenc/31123-manifestazions-atuales#sigProIdafbf3c3309
https://www.lausc.it/manifestazions-y-evenc/31123-manifestazions-atuales#sigProIdafbf3c3309
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it
Atualmënter
Iniziativa di ëi de Puster
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
Prim vënderdi dl mëns
Stories de 15 menuc
Tla biblioteca de S. Durich a Urtijëi vëniel liet dant na storia per per mutons, l prim vënderdi dl mëns dala 15:00. La proscima ancunteda sarà ai 6 de fauré.
23-24.01.
Marcialonga per gregn e picoi
Anché, vender ai 23 de jené vegn endrezà la Marcialonga Story sun n percors de 10 chilometres da Poza a Cianacei. I concorenc ponta demez da les 16:00 ti Ciancoai. Sabeda ai 24 a Poza da les 13:00 l é la Marcialonga Stars, da 14:00 la Mini Marcialonga per i bec dai 6 ai 12 egn, da les 15:00 te Fraine la Marcialonga Young e da les 17:00 a Cianacei al Marcialonga Baby per i bec fin ai 6 egn.
24.01.
Zerimonia de avertura Marcialonga
La zerimonia de avertura de Marcialonga sarà a Moena, doman sabeda ai 24 de jené da les 17:00 te teater de Navalge con la partezipazion de la Musega, l Cor Enrosadira e Moena Ginnastica Fascia e Fiem. Ge vegnarà consegnà i numeres de gara ai atlec con testimonianzes de Marcialonga de angern e anché.
28.01.
Flama Olimpica te Gherdëina
N mierculdi ai 28 de jené paserà la flama olimpica tres Gherdëina. Dala 08:00 da duman pëiela dala locomotiva sun plaza dla Stazion demez. Dala 08:20 pëia via na stafëta sun i schi dala stazion a mont dla Dantercëpies nchin tl zënter de Sëlva.
02.02
Lia di Filatelisć – ancuntedes
La Lia di Filatelisć, numismatics y vedla chertes de Gherdëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel‘ barat. La proscima ancunteda sarà ai 2 de fauré.
Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Manuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Mostra coletiva
La mostra »Crëidum, pesimé, forma – cie à pa l’ert y la religion mo da se dì al didancuei?« tla galaria Vijion a Puntives, resterà davierta nchin ai 24 de jené, dal lunesc nchin la sada, 16:00–19:00.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva tl Museum, per scuvierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Garejedes de schi te Gherdëina
La Lia di Filatelisć, numismatich y vedla chertes se prejënta tla sales dl Tublà da Nives cun na mostra dedicheda ala garejedes de schi che ie states te Gherdëina. La sarà davierta nchin ai 25 de jené 2026, uni di dala 15:00 nchin ala 19:00. L stempl dla mostra sarà dal 13 al 31 de jené tla posta de Sëlva.
Atualmënter
Mumënc... tla Dolomites
La mostra cun lëures de Gabriel Demetz tl Café Surëdl resterà da udëi nchin ai 30 de merz ntan i orars de giaurida dl Café Surëdl.
Atualmënter
Scultures de dlacia tl zënter de Urtijëi
Artisć y i scultëures de Gherdëina fajerà opres de dlacia y nëif ntan l’ena dai 19.01. nchin ai 25.01..
Atualmënter
Cuncors de figures zipledes tla nëif
Te pra da Nives te Sëlva vëniel ziplà tla nëif cater dis alalongia, dala 9:00 danmesdì inant. La tematica de chësc 29ejim cuncors ie »Winter Games«. N dumënia ai 25.01. dala 16:00 saràl pona la premiazion iló pra la scultures de nëif.
Atualmënter
Mostra »All’inizio tutto era mare«
Tl salf dles manifestaziuns da Corvara él da odëi cina ai 22 de forá la mostra »All’inizio tutto era mare« de Matteo Agreiter. Orars: ia por l’edema dales 8:00 ales 12:00 y dales 16:00 ales 18:00, la domënia y i dis de festa dales 10:00 ales 12:00 y dales 16:00 ales 18:00.
23.01.–09.02.
Alpaca y ert: na mostra de solidarità per l Perù
La grupa Gherdëina per l Perù mët a jì na mostra de opres fates a man tla miscions dl Perù per n fin de bën. L’esposizion sarà dai 23 de jené nchin ai 9 de fauré tla Lia Mostra d’Ert a Urtijëi. Orar de giaurida: 09:30–12:00 y 15:00–19:00, de vënderdì y sada nce dala 20:00 ala 22:00.
27.01.
Mostra cun Roberto Erlacher
En mertesc ai 27 de jená pón jí a ti ciaré cun i schi ala mostra de fotografies di 40 agn dla Copa dl monn tl’Alta Badia, adöm al ex atlet de schi Roberto Erlacher. An pëia ia dales 13:30 da Badia demez y an podará descurí les imajes, sciöche ince aldí val’ storia che reverda les gares. Iscriziuns pro i ofizi turistics y online.
Mujiga
24.01.
La Grenz recorda Beppe Pilotto
En sabeda ai 24 de jené da les 21:30 n bel grop de musizisć se bina a La Grenz, te strada Saslonch 56 a Moena, per recordèr con musega dal vif e emozion te na jam session l amich Beppe Pilotto, mencià de 59 egn tel meis de dezember passà.
