La Usc di Ladins

L’à giusta compì n an la neva sociazion ‘Accordion Alpe Adria APS’ metuda su con at ofizial ai 26 de oril del 2025 con 21 sozi fondadores. Chesta sociazion se met dant de valorisèr la musega populèra de la comunanzes linguistiches storiches de la region Alpe Adria donca sostegnir la relazions anter gropes linguistics, la persones e i enc publics e privac ma soraldut slarièr fora la cognoscenza de la musega populèra tradizionèla anter i joegn e fèr cognoscer l repertorie musical storich tradizionèl tras i tesć scric, i spartic musicai, i video e l audio. Anter i sozi fondadores l é ence i fascegn sonadores de orghen da mantesc Giordano Costa e Claus Soraperra, chest ultim l é stat lità ence tel Consei diretif vidà dal president Zoran Lupinc che aon cognosciù del 2020 canche l é ruà a Cianacei a sonèr en ocajion de la recordanza de Virgilio Soraperra de la Zoch e ence del 2023 en ocajion de la Festa del Rengraziament de l’Union di Ladins de Fascia.   

Podede lejer dut su La Usc dai 30 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Monica Cigolla)