La Usc di Ladins

Ai 5 de mé l é l dì de la bandiera ladina dai trei colores brun, bianch e vert. 
Apontin te chesta dì, del 1920 do la Gran Vera, passa 70 raprejentanc de la valèdes ladines se aea binà sun jouf de Frea per reclamèr l'unità ladina e protestèr ajache ge era stat neà l derit de autodeterminazion.
Chela scontrèda vegn recordèda desche l moment che à fat nascer la bandiera dai trei colores: l brun del ciel, l bianch de la neif e l vert del bosch.
Per chest vegn domanà de meter fora noscia bandiera, soraldut te chest dì. Ma abadà a la meter fora coche carenea: canche la vegn metuda sul pèl en pe, con la fasces de travers, se sà ben che l brun del ciel l cogn jir de sora. Chest i lo sà encomai beleche duc, ma tropes no sà che se la bandiera vegn tachèda fora su na fonestra o n barcon o su na stengia de travers, e donca l à la fasces en ju, se cogn vardèr che l brun sie a man dreta.