La Usc di Ladins

Chësta sabeda ai 9 de ma se desfirarál tl Museum Ladin Ciastel de Tor la presentaziun dla publicaziun nöia »Ciastel de Tor: Families y de­scendënzes« de Irma Trebo. Ara se trata de na racoiüda de material desvalí che documentëia la storia genealogica dles döes famiiles che á vit dî alalungia tl Ciastel de Tor: chëra di Trebo y chëra di Zingerle.
La racoiüda tol ite de plü generaziuns y ti vá do a sü spostamënc te na spana de tëmp de passa 200 agn. 
Te na intervista nes á l’auturia dé na pröma cërcia dl contignü dla publicaziun, cuntan dl laur de inrescida, val’ coriosité y dantadöt dla ligrëza che l’á portada a descurí sües raisc plü a funz. »Mituns, i messëis se recordé cun chi che i sëis parentela, nes dijô tres nosc pere«, cunta Irma Trebo. Chësc consëi s’ára tut a cör, ti jon do ai fostüs de sü antenac.

L’intervista intiera ciafëise da lí tla ediziun nöia dl vëndres ai 8 de ma!