La Usc di Ladins

La hala dl tennis da Corvara s’á tosc implí ite, en vëndres ai 17 d’aurí da sëra, canche la Cassa Raiffeisen Val Badia á invié ala reuniun generala 2026. Na reuniun che é stada la pröma ofiziala por le diretur Mirco Daurú y olache le diretur cun le presidënt Georg Mutschlechner á indô podü trá n bun bilanz, nia ma a livel d’istitut bancar, mo ince por l’andamënt economich te nosc raiun. Chiló baiunse sambëgn dl 2025, canche le monn parô economicamënter ciamó "a post", tratan che chësc 2026 é cotan plü armerü y turbolënt – dantadöt por ci che sozeda sön la paladina geopolitica internazionala. 
Por ci che reverda les zifres dla Cassa, án stlüt jö l’ann cun n davagn de 10,85 miliuns de euro, che é n manco dl 16 porcënt respet al ann denant, mo impó al 2. post tla classifica dles anades da record.

Deplü sön les atres zifres y sön la sentada generala podëise lí t’La Usc di Ladins di 8 de ma  (pablo)