La Usc di Ladins

Dotours
Dutor Gherdëina
L dutor de servisc da n sada ai 07.03. dala 08:00 daduman nchin la 08:00 daduman de n lunesc ai 09.03. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 7 y 8 de merz él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Corvara, Badia y La Val él en sorvisc le dotur Giovanni Crivellaro, La Ila, tel. 348 0014266.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 06.03. nchin n vënderdi ai 13.03. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/ 12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 6 de merz al vëndres ai 13 de merz ales 19:00, é chëra da La Ila, tel. 0471 847152.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
10.03.
Persones de merit – Heidi Siller Runggaldier
Dales 20:50. Test y regia Rut Bernardi, produziun Obexer, a cura de Leo Senoner.
11.03.
Taxi Gherdëina
Dales 20:50 ca. Test y regia Simon Moroder, produziun Cela, a cura de Leo Senoner.
12.03.
Nosta Scola
Dales 20:50 ca. Test y regia Lena Mulser, produziun Karbonvideo, a cura de Alessandro Dapunt.

Teater
20.03.
La Val: Teater »Le jüch«
L’Uniun Teater La Val inviëia da jí a ti ciaré ala comedia »Le jüch«, basada sön le film »Perfetti sco­nosciuti« de Paolo Genovese. Le toch é aconsié da 14 agn insö. Les rapresenta­ziuns é ai 20, 22, 25 y 28 de merz dales 20:00 y ai 29 de merz dales 18:00, dagnora te salf dles manifestaziuns da La Val. Prenotaziuns al 340 8951293 o al 333 4616848 por sms, o telefoné dales 18:00 ales 21:00.

Chino
Atualmenter
Al chino de Tieser
Insnet, vender 6 de mèrz da les 21:00 l é »Scream 7« desco­manà a chi che à manco che 14 egn, sa­beda 7 da les 21:00 l é »Cime tempestose«, do­menia 15 da les 17:30 l é »Jum­pers« e da les 20:30 »Un bel giorno«.
06.03.
Chino per la festa dl’ëila
Ncuei, vënderdi ai 6 de merz dala 20:00 uniràl mustrà n film tla biblio­teca de San Du­rich, n ucajion dla festa dl’ëila.

Referac
12.03.
Kroko-Alarm te biblioteca
Tla biblioteca de San Durich a Urtijëi prejënta Isabella Thurin si liber per mutons »Oskar, Fred und der Kroko-Alarm«, n juebia ai 12 de merz dala 15:30. L liber ie adatà per mutons:ans dai 5 ani insù. Daldò uniràl mo fat zeche de creatif.
16.03.
Sce al é nou, él nou!
Le Consëi de formaziun da San Martin mët a jí en lönesc ai 16 de merz dales 19:30 n referat cun la dra. Giuliana Franchini. Le titul é »Ho detto no e poi no!!!«, por mo­­stré sö sciöche la parora nou öga por la chersciüda di mituns. Le referat é tl salf dl Istitut Ladin a San Martin.

Religion
07.03.
Preparaziun dl Bato
La Uniun dles Ëres Catoliches de nosc decanat inviëia düc i geniturs che á n pice möt o na picia möta da batié, pers che aspeta, toc y totes de nosc decanat ala prepa­raziun dl Bato, la sabeda ai 7 de merz dales 15:00 ales 17:00, te local di ministranc a Badia. Al vëgn aprofondí l’importanza dl sa­cramënt, presenté le ritus y spli­ghé i simboi. Se prenoté pro Lucia al 334 3200396.

Cursc
10.03.
Balé cun mujiga da dut l mond te Sëlva
L KVW de Sëlva nvieia a chësc curs cun la referënta Ga­briella Senoner Verginer. N se anconta l prim iede ai 10 de merz dala 09:30 nchin la 11:00 tla Pitla Sala dla Cësa di Cungresc te Sëlva. L curs jirà inant mo 7 iedesc, for de merdi dala medema ëura. Per nfurmazions y per se scrì ite: Lidia, 340 5170711.
14.03.
Taié y ciafé pelzes de lëgns, brüsces y röses
La Uniun di ëi da Lungiarü mët a jí n curs cun Philipp Brun­ner, en sabeda ai 14 de merz dales 13:30 ales 15:30, te salf dles manifestaziuns da Lungiarü.
06.03.
Café per l di dlëila
N vënderdi, ai 6 de merz, n ucajion dl di dl’ëila de n du­mënia, mët la Butëiga dl mond de Urtijëi a jì l »Di dla porta davierta«. A chëi che vën a nes crì ti vëniel pità l bon café dl marcià rëidl »Adelante – café ora dla mans dl’ëiles« cun velch de dëuc leprò.
06.03.
Festa tla biblioteca de S. Durich
Ai 6 de merz dala 15:00 saràl na bela festa tla biblioteca de San Durich: la pitla suricia dla stories, giaperà n inuem. L unirà nce fat la premiazion dl cuncors de desënies y daldò dajeràl tëurta per duc.
09.-12.03.
Sakl: iscrizions
L pruiet per l instà Sakl, per mutons y mutans dl 2011-2014 (*n valguna enes nce per chëi dl 2009–2010), vën metù a jì dala Nëus Jëuni Gherdëina, dai 22.06. nchin ai 28.08. L orar muda da ena a ena. La iscrizions possa unì fates tres mail a info@njg.it, per Urtijëi ai 11.03., per la frazions la­dines de Ciastel ai 12.03., per S. Cristina ai 10.03. y per Sëlva ai 09.03., for dala 07:00 inant. Nfurmazions plu avisa sun www.njg.it.
09.–13.03.
Iscrizions »Gaia«
La Lia Gaia mët a jì n pruiet da d’instà, per mutons y mu­tans dl 2015-2020. L pruiet va dai 6 de lugio nchin ai 21 de agost. Orar: 07:45–14:30. La iscrizions vën tëutes su dai 09.03. dala 08:00 inant nchin ai 13.03. tres l formular sun www.pro-gaia.net.
13.04.
Iscrizions »Instà Vif«
L proiet per l instà Instà Vif, per mutons y mutans dl 2013–2019, vën metù a ji dai Che­muns de Gherdëina deberieda cun lies, dai 22.06. nchin ai 21.08. L orar per uni ena ie da abiné sun l placat. La iscri­zions possa unì fates ai 13 de auril dala 20:00 inant tres l link https://forms.gle/14keHo 1eZZ8Ri2Kh6. o tres QR–code che n abina sun l julantin dat ora.
Merz 2026
Iscriziuns ala Scora de musiga Val Badia
Les scores de musiga dla provinzia deura les iscriziuns por le proscim ann de scora, dal 1. al 31.03.2026. Les iscri­ziuns vëgn fates online tres le sorvisc dl’aministraziun provinziala »myCivis« https://civis.bz.it/einschreibung-mu sikschule . L’azes al sorvisc vá tres SPID o CIE (cherta d’identité eletronica). Informa­ziuns te secretariat dla Scora de musiga a La Ila, al 0471 847748 o sot a www.musik schule.it

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Mostra »The red boat« – Vernissage
Tl self dla mostres tla Cësa di Cungresc a Urtijëi iel metù ora na mostra coletiva de 18 artisć:tes de Südtirol. L proiet artistich soziel uël sotrissé la respunsabltà dla populazion per sustëni dl’ëiles. La mostra jirà inant nchin ai 6 de auril, 10:30–12:00 y 16:00–18:00.
Atualmënter
Garejedes de schi te Gherdëina
La mostra ie dedicheda ala garejedes de schi che ie states te Gherdëina. La sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim parti­mënt dla Cassa Raiffeisen de S. Cristina.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nue­va tl Museum, per scuvierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.

Avisc
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions per l ann 2026/27 puderà unì fates online nchin ai 31 de merz sun my.civis.bz.it. Coche uni ann puderàn crì ora danter de plu strumënc, cianté, muvimënt y bal. Ai scric ite nueves ti uniràl fat al savëi al plu tert nchin ala fin de lugio sce i à giapà lerch. Per nfurmazions plu avisa: 0471 796858 o musikschul direktion.groeden@schule.suedtirol.it
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon online« per chi che scumëncia y chi che ulëssa miuré si ladin: dai 25 de fauré, uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://teams.microsoft.com/ meet/ 3329492066991?p=KWnWirk F0tzLm59ISH

Temp Lede
07.03.
Festa te Sotegrava per la Copa del Mond
En sabeda ai 7 de mèrz da les 18:00 te piaz de Sotegrava de Moena l é la festa con la atletes de Copa del Mond de schi. La defilèda ponta via da piaz de Ramon con la atletes, maestres de schi, sociazions, cores e bec per jir te Sotegrava olache vegn prejentà tirà fora i numeres del superG e fat la premiazions de la libera.
08.03.
De dla ëra – Momënc
Dötes les ëres é inviades da tó pert a n evënt particolar cun Anita Vittur, ai 8 de merz. An s’incunta dales 9:30 pro l’implant Boé por jí cun i schi y spo storje pro te na ütia, olache Anita mostra süa pa­sciun y profesciun da cují. An pó se personalisé y cují valch da se tó a ciasa y se gode spo na marëna. Iscriziuns on­line sön la plata de Movimënt.
08.03.
Dolomites Dirndl Ski Day
Gherdëina festejea l di mun­diel dl’ëila ai 08.03. cun na manifestazion sportiva sun Mont de Sëuc: l Dolomites Dirndl Ski Day. L’iscrizions vën tëutes su tla Lia dl Turism de Urtijëi: 0471 777600 o ortisei@valgardena.it. Priesc: 70,00 € per doi persones, n pachetl per la garejeda y n aperitif ie laite tl priesc.
09.03.
Spetacol de circo per la eles
En lunesc ai 9 de mèrz da les 20:30 per la festa de la eles, al chino de Cianacei l grop Circensema, en colaborazion col Comun General de Fascia, endreza l spetacol de circo »Miss Sbarbie«, na reflescion sul corp, sul jech e l poder de Barby. Dantfora da les 19:00 apertif leterèr con la prejenta­zion de vèlch liber da man de la Biblio de Cianacei.
09.03.
Desmustrazion sun i schi
La Scola de Schi & Snowboard de Sëlva y l Freeride Club Gher­dëina nvieia a na prejen­tazion sun i schi ai 9 de merz sun l purtoi da Frëina/Ciam­pinëi. La show scumëncia dala 21:00. Duc ie de cuer nviei.
09.03.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuolafondo.it
11.03.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
11.03.
Cui schi da sëra
Tl’Alta Badia pón jí vigni mercui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
11.03.
Nos Ladins cun Moritz
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 11 de merz s’incunton a La Ila cun Moritz Craffonara, che cunta sciöche al é da ma­najé na ütia da munt. Infos y prenotaziuns pro i ofizi turi­stics dl’Alta Badia.
Uni lunesc
Cërtl de letura
Tla biblioteca de San Durich a Urtijëi se ancónten uni lunesc dala 18:00 per n cërtl de letura cun Nicoletta. N liej deberieda l liber »Quello che possiamo sapere« de lan MacEvan. Duc possa unì a fé pea.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­blio­­teca »Anda Malia da Cu­­dan« tla Cësa di Ladins a Urtijëi. Unide nce Vo!

Mujiga
06.03.
Dolomiti Ski Jazz
Per l 30° Dolomiti Ski Jazz en vender ai 6 de mèrz da les 12:00 ló dal refuge Baita Checco l é »Evi Mair Olympus Band«; domenia ai 8 de mèrz da les 12:00 l é »Andrea Lom­bardini Quartet« ló dal Dolo­mites Geyser a Poza, da les 15:00 l é »The Killbilly’s« al bar International a Cianacei.
08.03.
Conzert de la Bandes de Fiem
En domenia ai 8 de mèrz da les 20:45 te teater de Tieser l é l conzert de la Bandes de Ciavaleis, Tieser e Juan en ocajion di Jeghes Paralimpics da d’invern.
08.03.
Patrizia Laquidara te chino de Cianacei
En domenia ai 8 de mèrz da les 19:00 al chino Marmolada aperitif musical col grop ‘Duotreminuti’: Melany Loca­tin e Gianpaolo Chiocchetti e da les 21:00 conzert de la ciantarina Patrizia Laquidara tel chèder de la rassegna Dolo­miti Ski Jazz.
11.03.
Conzert de Ski Jazz a Soraga
En mercol ai 11 de mèrz da les 18:00 te La Gran Ciasa a Soraga l é l conzert de la rasse­gna Dolomiti Ski Jazz con l grop furlan »Cûr di Veri«: Nicole Coceancig (ousc), Da­vide Raciti (violin), Leo Virgili (chitara), Valeria Liva (contra­bas).
12.03.
Spetacol de musega e bal
En jebia ai 12 de mèrz da les 20:45 te teater de Tieser l é l con­zert spetacol »Danza la musica« endrezà da la Scola de musega Il Pentagramma con l Centro Danza de Tieser en ocajion di Jeghes Para­limpics.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la re­lazions te c‑sa. L avert a duc e debant a S‑n Jan te Stra­­­da di Pr de Lejia 12 su apunta­ment tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòs­sen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
18.03.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Terza scontrèda en mercol ai 18 de mèrz da les 20:00 te Ciasa de Noscia Jent a Poza.