La Usc di Ladins

L di dl’ëila a fin de bën contra l crëibes
La Grupa dl’Ëiles dla SVP mët nce chëst ann a jì si azion a fin de bën
N ucajion dl di nternaziunel dl’ëila ai 8 de merz puderàn giapé te de plu lueges de Gherdëina de bela primules d’uni sort de culëures:

• a Runcadic y Bula n dumënia, 8.03. do la 10:15
• a Urtijëi n lunesc ai 9.03. dala 8:30
• a S. Cristina n sada ai 7.03. sa Maciaconi dala 8:00
• te Sëlva n lunesc ai 9.03. dal Sartëur dala 8:00.

La dunfiertes che vën ite tres chësta scumenciadives ti vën sëu­randates ala lia provinziela de aiut contra l crëibes.


»Ëiles&Stëiles«

• 
•  

View the embedded image gallery online at:
https://www.lausc.it/manifestazions-y-evenc/31388-manifestazions-atuales-speziales#sigProIdd816bcda4b

– Cultura al feminin tla Ladinia
N dumënia ai 8 de merz dala 18:00 tl Tublà da Nives te Sëlva
N ucajion dl di nternaziunel dl’ëiles ti dà l Tublà da Nives chëst ann na lerch ala cultura fata da ëiles ladines, n prugram cun mujiga, leteratura y ert y la partezipazion dl cuartet vocal Tel Tipes, cun la poetëssa Cristina De Grandi, l’artistes Helene Demetz y Anna Anvidalfarei y la »poetry slammer« Irene Moroder. La redazion dla revista Gana fajerà na previjion ala proscima edizion.
Te na mëisa turonda uniràl jit ite sun la figura dl’ëila tla sozietà d’al didancuei.
Ala fin meterà la DJane Elena Pitscheider su mujiga. L sarà nce velch da bever y da pesslé. »Ëiles&Stëiles« ie na scumenciadiva n culaurazion cun l Departimënt Ntendënza y Cultura Ladina dla Provinzia de Bulsan.
La sëira ie davierta a dutes y a duc. Ntreda liedia. L vën prià bel de resservé la lerch: info@tubladanives.it o tres WhatsApp al +39 333 7166471.


Al via l 30° Dolomiti Ski Jazz
Dai 6 ai 15 de mèrz 26 conzerc, vigni dì musega sui portoes e ti paijes, te après ski e teatres de Fascia, Fiem e Cembra
La 30^ edizion del gran event endrezà dal diretor artistich Enrico Tommasini col sostegn de APT de Fascia e de Fiem, Trentino Marke­ting e Consorzies di Impianc portamont met dant fin ai 15 de mèrz n rich program de conzerc con musizisć de nonzech interna­zionèl, sui portoes, ti paijes e locai e ti teatres de noscia valèdes.
Vender 6: h. 12:00 Ciampedie: Evi Mair Olimpus Band; h. 21:00 Cembra Nuovo Teatro Simone Alessandrini Storytellers*
Sabeda 7: h. 12:00 Cermis Baita Tonda: The Killbilly’s; h. 17:30 Molina: Street Parade con Tiger Dixie Band; h. 21:00 Ciavaleis Palafiemme: Alta Quota Quartet e Logan Richardson Trio*
Domenia 8: h. 11:00 Anterivo Lariceto: Damiana Dellantonio Quartet; h. 12:00 Poza Dolomites Geyser: Andrea Lombardini Quartet; h. 15:00 Cianacei International: The Killbilly’s; h. 21:00 Cianacei Chino: Patrizia Laquidara
Lunesc 9: h. 14:00 Fuciade: Elena Andreoli Trio Manuche; h. 17:00 Ciampedel Rampeèr: Damiana Dellantonio Quintet; h. 21:30 Moena La Grenz: Pietro Tonolo & Emanuele Maniscalco**
Mèrtesc 10: h. 12:00 Pampeago Caserina: Elena Andreoli Trio Manuche; h. 21:00 Tieser Teater: Roaring Cats e Ray Gelato*
Mercol 11: h. 12:00 Belamont Ciamp de le Strie: Roaring Cats; h. 18:00 Soraga La Gran Ciasa: Cûr di Veri dal Friul; h. 21:30 Moena La Grenz: Jam Session con Daniele Patton Trio**
Jebia 12: h. 12:00 Pampeago Zischgalm: Latin Mood; h. 21:00 Ciastel Zenter Poli­fun­zional: Joe Magnarelli & Kirk McDonald Quintet*
Vender 13: h. 12:00 Lujia Chalet Valbona: Latin Mood; h. 17:30 Pardac: Street Parade con Tiger Dixie Band; h. 21:00 Pardac Teater: Kinga Glyk*
Sabeda 14: h. 12:00 Belamont Chalet 44: Mozes Rosenberg Trio; h. 21:00 Moena Navalge: Frank Gambale All Stars*
Domenia 15: h. 12:00 Cermis Sporting: Evi Mair Olympus Band; h. 12:00 Rodela Baita 2222: Mozes Rosenberg Trio.
Conzerc debant fora che (*) a paament e (**) con tessera Arci. Abo per duc € 90,00.
L program é sui sic ApT de Fascia e Fiem.


Fantajia y corp
Tl self dla mostres dl Circolo – Lia Mostra d’Ert vëniel metù ora dessënies fac ntan l curs cun Egon Rusina
La mostra unirà giaurida n sada ai 7 de merz dala 19:00 y jirà inant nchin ai 15 de merz.
Per plu enes se à i partezipanc ancuntà re­gularmënter per dessenië modiei desnuc. Egon Rusina à acumpanià l curs y ti à dat cunsëies per se nfidé a fé zeche de nuef. L ti à liet dant stories dla criazion y à nvià i partezipanc a cum­pleté cun si fantajia chël che i udova dan ëi sun la plata. L ie nasciudes criatures mescededes danter plantes, tieres y i sesc desfrënc.
Orares de giaurida: lunesc – dumënia 17:00 – 19:00, de sada y dumënia nce danmesdi, 10:00 – 12:00.


Mostra de ceramica y laboratore
Irina Tavella mët fora sü produc artistics tl Bio Alpine Hotel Gran Fodá a Furcia/Mareo
La mostra di produc de caramica resta daverta cina ai 22 de merz 2026. Tratan l’esposiziun, che é azessibla ti locai dl café y restorant tignará Irina Tavella n laboratore (»workshop«) de ceramica, plü avisa en la sabeda ai 14 de merz, dales 10:00 inant. Por i nformaziuns po­dëise tele­foné al 339 8557964.