La Usc di Ladins

Aisciuda Ladina 2026
Va inant i apuntamenc de l’Aisciuda Ladina
Sul calandèr l é amò vèlch event de valuta de l’Aisciuda Ladina 2026, la festa del lengaz e de l’identità dedichèda ence chest an a la toponomastica, per endrez del Comun General de Fascia, l Istitut Cultural Ladin, la Scola ladina de Fascia e l’Union di Ladins.
Program:
en mèrtesc ai 19 de mé dutoldì
viac su la streca del Rosengartenbus envers l Jouf de Ciareja con i scolees de III populèra e si giaves
en mèrtesc ai 19 de mé da les 17:30 te Museo Ladin
prejentazion del projet Rosengartenbus con Transdolomites e l MUSE
en vender ai 22 de mé da les 17:00 te Ciasa de la Moniaria
prejentazion del nef numer de la revista Gana con la autores
en sabeda ai 23 de mé, se se troa da les 9:00 jun Ischia de Ciampedel
raida a pe Ciampedel-Pian-Soracrepa-Cia­nacei col menatroes Nicolò Cincelli
en jebia ai 28 de mé da les 17:00 te sala de Consei de Comun de Cianacei
inaudazion de la mostra e meisa torona: L­a­dins del Sela. 1946-2026: 80 egn da la Gran Radunanza


Markus »Doggi« Dorfmann a San Ciascian
Na tapa dla »Südtirol – Tour« 2026 de Markus Doggi Dorfmann condüj ai 22 de ma a San Ciascian
Le Consëi de formaziun Badia inviëia a na serada cun Markus Doggi Dorfmann, en vëndres ai 22 de ma dales 20:00, tla Ciasa J. B. Rinna a San Ciascian. An pó vire n highlight musical plëgn de au­ten­tizité y umor. 
Markus Doggi Dorf­mann porta sön paladina le dër sëns de vita de Südti­rol: n moscedoz unich de dialet, de melo­dies satiriches y de emo­ziuns. I se confortun a na sëra da s’la rí y fá para. Cun sü hits sciöche »Brixen chillt«, »Olm loggor bleibm« y »Feirum« garantësc Doggi Dorfmann n spetacul plëgn de energia y de bona löna.


De internazional di museums
Le Museum Ladin Ursus ladinicus a San Ciascian y le Parch Natural Fanes–Senes–Braies á le plajëi da ves invié al De internazional di museums, en domënia ai 17 de ma
En gaujiun dl De internazional di museums vëgnel pité dales 14:00 ales 18:00 laboratori creatifs cun le personal dl Parch Natural. Dales 15:00 vëgnel presenté le liber por mituns »Le sföi salvare da colorí de Hermi« cun Luca Complojer, y dedô él ativités por mi­tans y mituns. 
Dales 17:00 él vijites menades te museum, por talian y todësch, cun Herwig Prinoth y Mattia Maldo­nado. La cornisc musicala vëgn pitada dal grup sonadus de corgn da ciacia La­dinia. En ocajiun dl De Internazional di museums é l’azes ti museums a San Martin y San Ciascian gratis döt le de, dales 10:00 ales 18:00.


Di nternaziunel di Museums
L Museum Gherdëina gëura

• 
•  

View the embedded image gallery online at:
https://www.lausc.it/manifestazions-y-evenc/31802-manifestazions-atuales-speziales#sigProId55bd9ed21c

si portes n ucajion dl Di nternaziunel di Museums, n dumënia ai 17 de mei dala 10:30–18:00. Ntreda liedia
L Museum Gherdëina y la Biblioteca ladina nvieia n dumënia, ai 17 de mei, al Di nter­naziunel di Museums.
La tematica de chëst ann de ICOM, »Museums uniting a divided world«, mët tl zënter la forza dl museum coche luegia de dialogh, cumprenscion y coejion tla sozietà.
Deberieda cun la Biblioteca ladina dla Union di Ladins de Gherdëina, ti vëniel pità ai vijitadëures n prugram scialdi rich: da uni ëura vijites menedes cun esperc y espertes tla sezions desfrëntes, na »crissa dl tesor« nterativa per duta la familia y ativiteies criatives tla mostra nueva di juesc Sevi.
Ntan marënda, dala 11:30 inant, iel da giapé te verzon velch da bever y da maië, acumpanià da de bela mujiga.


Mostra de La Prufesciunela
Tl self dla mostres dl Circolo–Lia Mostra d’Ert mët la Scola prufesciunela per l Artejanat Artistich de Urtijëi ora na mostra di lëures fac ntan l’ann
La giaurida dla mostra sarà n juebia, ai 21 de mei dala 11:00. 
La mostra uel ti dé la ucajion a studëntes y studënc de mëter ora i resultac de si lëures fac ntan l ann de scola, sibe tla scultura tl lën y tla decurazion pitorica, coche nce tl dessëni, tla pruietazion y tl mudelé. 
Da udëi iel nce lëures fac digitalmënter. Sëuraprò iel da udëi lëures ziplei dala jëunes y dai jëuni dl Curs de spezialisazion de scultura.
La mostra resterà da udëi nchin ai 2 de juni, dal lunesc nchin ala dumënia, 17:00 – 19:00 y de sada y dumënia nce danmesdì dala 10:00 – 12:00.


Storia dl Radio Ladin y dla Televijion Ladina
L Istitut Ladin Micurà de Rü nvieia ala prejentazion dl liber de Carl Insam dl Galina, n merdi ai 19 de mei dala 18:00 tla Gran Sala dla Cësa di Cungresc a Urtijëi
Cun l ann 2026 mostra la Rai Ladina su bën 80 ani de atività dl Radio y 38 ani de Televijion. 
Do avëi laurà 36 ani alalongia (dal 1977 al 2013) da jurnalist pra la Rai Ladina de Bulsan à Carl Insam ulù ti jì do plu avisa ala storia dla Rai, dantaldut dla Rai Ladina, pian via dal ann 1946, canche la trasmiscions ladines ie unides nviedes via per merit de n valgun ulenteres y de idealisć ladins che à udù ite tan mpurtant che l radio ie coche mesun de comunicazion per la mendranza ladina.
L sunerá l trio de oboe de Urtijëi. Duc ie nviei de cuer.


»31,1246667«
L’EPL mët ora tl Tublà da Nives te Sëlva na coletiva, l titul ie tëut dala spersa de 31,1246667 m2 che uni artist:a à a despusizion
L’assoziazion culturela y lerch espositiva Tublà da Nives te Sëlva nvieia a na mostra de grupa dl’union culturela y artistica EPL-Ert por i Ladins dla Val Badia, sezion de ert figurativa. 
La grupa ie metuda adum da David Brandlechner, Fabian Feichter, Franz lrsara, Gaia Lionello, Mattia Maldonado, Edmund Nagler, Maria Pezzedi, Giovanni Rindler, Roberta Sottara, Ursula Tavella, Brigitte Trieb y Jutta Valentini. La mostra sarà da udëi dai 16 de mei ai 11 de juni 2026, cun la vernissaja sun l prugram ai 15 de mei 2026, dala 18:00.


»La vita é some«
L’EPL-Ert por i Ladins inviëia ala presentaziun dla pröma racoiüda de poesies de Carlo Suani, che sará en jöbia ai 28 de ma 2026, dales 20:00, tl Istitut Ladin a San Martin de Tor
Al é da se inconforté al liber, pröm y nü, de poesies originales ladines de Carlo Suani d’Al Plan. Le liber vëgn dé fora dal’EPL-Ert por i Ladins ODV y tol ite 324 plates che partësc sö les poesies te plü capitui. 
Carlo Suani é un di poec plü premiá de nüsc tëmps contemporans tla Ladinia. Deplü é i pröms pesć che al á pié do en gaujiun de ediziuns dl pest lirich »Angelo Trebo«. Le titul dl liber é »La vita é some« desco laitmotif dla fantasia y creativité leterara. La pröma presentaziun dl liber sará ai 28 de ma a San Martin de Tor, la secunda spo ai 12 de jügn 2026, dales 18:00, tla Cësa di Ladins a Urtijëi.


»Unizité«
Pröma mostra personala de Valeria Federa d’Al Plan, festa de daurida en sabeda ai 23 de ma 2026 dales 18:00 tl Studio Zona a Pedraces/Badia
Tl local dles mostres Studio Zona a Pedraces gnaral metü fora dai 23 de ma inant, por otedé cina ai 31 de ma (vigni de dales 15:00 ales 18:00), na cerna de chedri de Valeria Federa d’Al Plan, che se dedichëia da plü agn incá intensivamënter al’ert figurativa, dantadöt ala pitöra. Ampla é la paleta de contignü de Valeria, che la vaiga da ciapé ite tl monn dla mostra y publicaziun artisticxa.
La festa de daurida é söl program en sabeda ai 23 de ma 2026 dales 18:00.