La Usc di Ladins

Ai 15 de setëmber ie l joler unì cherdà sun la piza Grohmann sun la Grupa de Saslonch, ulache n’ëila che se arpizova se ova giapà ju n sas tl mus y se ova fat mel. Cun na binda àn ciarià sibe ëila che nce si cumpani de corda y n ie julei limpea a Bulsan.
Ai 16 de setëmber à l Aiut Alpin fat cater ntervënc, un de chisc tl raion ladin, plu avisa sun Mont de Sëuc tl raion dl Rauch: n’ëila de 48 ani dla California fova tumeda cun la roda y ova batù dassënn l mus sun l asfalt. Do na cura contra l mel iesen julei limpea tl spedel de Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper