La Usc di Ladins

La Frazion de Cianacei, con sie capofrazion Rinaldo Debertol, à dezidù de tor su la novitèdes vegnudes fora con la lege dai 20 de november del 2017 nr 168 (Normes en materia de dominies coletives) che à recognosciù la Frazions desche n ordenament giuridich primarie col ge dèr sia autonomia de statut e de gestion. Aldò de chesta lege nazionèla, i bens no é più conscidré ben publics ma Ben Comun.
L é stat metù ju n nef Statut che ge é stat manà fora a duc i sentadins con chela che i porte dant sia osservazions e en mercol passà, ai 23 de setember, l é stat chiamà ite na scontrèda te Comun de Cianacei per prejentèr e spieghèr i mudamenc touc su e chel che perveit la norma. Se la jent no la vel passèr resta dut coche l é e de november vegnarà fat la litazions desche semper.
L capofrazion Debertol fèsc a saer che dut l Comitat se met endò a la leta: l vize Silvano Planchensteiner e i conseieres Dino Davarda, Alessandro Lastei e Assunta Merli. »Col nef Statut aon vardà de portèr l numer da 5 a 7 per ge dèr l met a doi persones en più de ruèr ite, magari rua ite doi joegn«.

De più en cont di mestieres fac te chisc cinch egn de mandat te La Usc stampèda de en vender ai 25 de setember del 2026.  (Monica Cigolla)