La Usc di Ladins

Dotours
Dutor Gherdëina
L dutor de servisc dala 08:00 de n sada ai 26.09. nchin la 08:00 daduman de n lunesc ai 28.09. ie l dutor Michael Trocker de Urtijëi, streda Promeneda, tel. 388 2580002. 
Doturs Val Badia 
Tla fin dl’edema di 26 y 27 de setëmber sarál en sorvisc ti cin’ comuns dla Val Badia la doturia Jasmine Gabrieli, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 25.09. nchin n vënderdi ai 02.10. ie chëla de Sëlva, tel. 0471/795142 o 333/1776615, (davierta dala 8:30 - 12:30).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 25 de setëmber dales 19:00 al vëndres ai 2 d’otober ales 19:00, é chëra da San Martin/Picolin, tel. 0474 523020.

Televijion
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
29.09.
Cognoms sön paladina
Dales 20:50 ca. N program de Esther Videsott, a cura de Leo Senoner.
30.09.
Natura e ambient – ranger te Fascia
Dales 20:50 ca. Test y conzet Luciana Detomas, produziun Pinterfilm, a cura de Alessan­dro Dapunt
01.10.
Scenar – ert y cultura tla Ladinia
Dales 20:50 ca. Test y conzet Silvia Murer, produziun Kar­bonvideo, a cura de Leo Seno­ner.

Radio
25.09.
La ciarestia de personal per secudì jënt de tëmp
Tla cëses de paussa y per secudì jënt de tëmp a cësa, iel for manco personal da ga­rat. Co pòssen pa ti jì per­mez a chësta problematica, ciunes pudëssa pa vester la soluzions per l daunì? La Lia »Sarëinn« nvieia a na sëira de de­scuscion sun chësc argu­mënt de gran atualità y nteres y mët nce a jì n curs. Trasmi­scion de Simon Moroder.
27.09.
Christian Insam ruva setim pra l ultratrail Ortles Haute Route
Ai 11 de setëmber iel stat la pri­ma edizion de ultratrail­running tl raion dl Ortles, ndut fòvel da sauté 128,6 km cun 8.192 metri de deslivel Christian Insam de S. Cristina à venciù chësta garejeda te si categuria sëura 50 ani ruvan setim assolut. Trasmiscion de Alex Rung­galdier.

Referac
28.09.
Testamënt y l’arpejun
L’avocat Paul Maieron baiará a La Pli de Mareo tla Ciasa dles Uniuns en lönesc ai 28 de setëmber dales 19:30 söl fá testamënt y l’arpejun. Orga­ni­saziun dl Consëi de Forma­ziun La Pli y KVW La Pli, entrada: debann.
29.09.
Despassé la sajun dla strüscia
Le Consëi de formaziun da Corvara inviëia al referat »Na­türlich durch die Erkältungs­zeit«, en mertesc ai 29 de setëm­ber dales 20:00, tl salf dles manifestaziuns da Cor­vara. Referënta é Maria Lobis.

Sport
26.09.
»Delicious Trail Dolomiti«
En doman sabeda ai 26 de setëmber vëgnel organisé na gara de trail running, che liëia le salté sö por munt cun la gastronomia. Por le cuinto ann vëgnel organisé n percurs mesan de 35 km y 1.900 metri de deslivel, che pëia ia da La Ila dales 9:00 y röia a Pocol sura Cortina. Informaziuns sot a www.delicioustrail.it
26.09.
HC Gherdëina vs. Adler Stadtwerke Kitzbühel
Tl stadio Pranives de Sëlva saràl ai 26 de setëmber dala 19:30 la partida dl campiunat AHL (Alps Hockey League) danter l HC Gherdëina y l Adler Stadtwerke Kitzbühel.
27.09.
Campiunat IHL: HC Gherdëina vs. Cadore
Tl stadio Pranives te Sëlva saràl ai 27 de setëmber dala 18:00 la partida de campiunat IHL. L HC Gherdëina jugherà contra l Cadore.
01.10.
HC Gherdëina vs. HC Migross Asiago
Tl stadio Pranives de Sëlva saràl ai 1. de utober dala 20:30 la partida dl campiunat AHL (Alps Hockey League) danter l HC Gherdëina y l HC Mi­gross Asiago.
04.10.
Campiunat IHL: HC Gherdëina vs. Piné
Tl stadio Pranives te Sëlva saràl ai 4 de utober dala 18:00 la partida de campiunat IHL. L Hc Gherdëina jugherà contra l Piné.
04.10.
»Crono Scotoni«
En domënia ai 4 de otober dales 10:30 vëgnel organisé na gara da salté sön munt dala Capanna Alpina cina sö dala ütia Scotoni. Le prisc de iscriziun é de 25,00€. Lapró él ince na pasta y boanda, döt abelí da de bela musiga por festejé la fin dla sajun dla ütia Scotoni. Infos y iscriziuns a: info@uniunsport.it

Publizistica
30.09.
Persones.Stredes.Stories
Sara Senoner y Vera Berg­meister à fat trëi enes de ulen­tariat tla scolina dla Tanzania. N mierculdi ai 30 de setëmber dala 20:00 cunteràles de si esperienza tla biblioteca de San Durich a Urtijëi.
30.09.
Liejer_fej_stersc
Tla biblioteca Tresl Gruber a S. Cristina cunterà la refe­rëntes Elisabeth von Leon y Sandra Rainer de coche n possa fé per ti dé ueia de liejer ai mutons – n mier­culdi ai 30.09. dala 19:30.
03.10.
Secudì la jënt de tëmp a Cësa – iscrizions daviertes
La Lia Sarëinn mët a jì n curs tl self Gisella Moroder tla Cësa de Paussa a Urtijëi, per ti dé la pusciblità a ëiles y ëi nteressei de se njenië ca per acumpanië y secudì jënt de tëmp. N mpera i aspec pratics dl lëur cun seniores y persones che adrova aiut y sustëni. L curs va dai 9 de utober nchin ai 20 de nuvëmber. La iscri­zions ie daviertes nchin ai 03.10., cherdàn su l 333 149 9949 o scrijan a ploner robert5 @gmail.com

Chino
Atualmenter
Al chino de Pardac
Doman, sabeda 26 de setem­ber e domenia 27 da les 21:00 se pel veder »Resident Evil«. Info: www.cinemapredazzo.it
Atualmenter
Al chino de Tieser
En jebia prum de otober da les 21:00 l é »Sheep in the box« te la rassegna ‘Il piacere del Cinema’, vender 2 e sabeda 3 da les 21:00 e domenia 4 da les 20:30 l é »Digger«. Info: www.cinematesero.com

Religion
25.09.
Prozesciun a Oies por i ëi y jogn dla Val Badia
L’uniun di ëi dl decanat Val Badia inviëia düc i ëi y jogn da tó pert ala prozesciun cun linternes o ciandëres, incö vëndres ai 25 de setëmber dales 19:30, dala dlijia de Badia demez cina a Oies. Al vëgn recordé da se tó para na linterna o na ciandëra.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
Ativiteies dla Grupa di seniores S. Cristina
La manifestazions dla Grupa di seniores S. Cristina unirà fates for de mierculdi dala 14:30: ai 30.09. – jita sal Caffé Surëdl per sté debe­rieda; mierculdi, 21.10. – tur­noi de batadù cun de biei pesć y pitla marënda tl self dla Cassa Raiffeisen a S. Cristina.
Atualmenter
Duron endò a fin de ben
Te oratorie de Poza va inant l pìcol marcià de roba durèda: massaries, ciuzé, jeghes per pìcoi e gregn. L é avert dal lunesc a la sabeda, da les h. 14.30 a les 18.30. Chi che pel donèr roba neta e ben metuda i pel la portèr te oratorie. Dut vegn venù a bon priesc per benefizenza.
Juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. La an­cuntedes va inant per de ndut 8 iedesc, for de juebia dala 18:00 (nchin ai 12.11.), tla biblioteca »Anda Malia da Cudan« tla Cësa di Ladins a Urtijëi. Unide nce Vo!
25.09/03.10.
Setemèna del Azet
Dai 25 de setember ai 3 de otober l é la Setemèna del Azet te Fascia. Sabeda 25 da les 9:30 se se troa a Soraga e Ciampestrin per na raida con la roda e a pe; lunesc 28 da les 16:00 a les 18:00 labora­tories per bec e bezes con l Zenter sozio-educatif Ensema se muda a Sèn Jan; mèrtesc 29 da les 20:30 a La Gran Ciasa scontrèda su la segureza de la persona; vender 2 de otober da les 17:30 te CGF na scontrèda su la relazions anter la persones.
01.10.
Radunanza di capifech de Cianacei e Dèlba
En jebia al prum de otober da les 17:00 te sala de Consei de Comun de Cianacei l é la radunanza di capifech de la Frazions de Cianacei e Dèlba per l’aproazion del nef Statut e la litazions di neves Comitac.
05.10.
Lia di Filatelisć – ancuntedes
La Lia di Filatelisć, numis­matics y vedla chertes de Gher­­­dëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel‘ barat. La proscima ancunteda sarà ai 5 de utober.

Cursc
29.09.
Balé cun mujiga da dut l mond te Sëlva
L KVW de Sëlva nvieia a chësc curs cun la referënta Ga­briella Senoner Verginer. N se anconta l prim iede ai 29 de setëmber dala 09:30 nchin la 11:00 tla Pitla Sala dla Cësa de Cultura te Sëlva. L curs jirà inant per de ndut 10 iedesc, for de merdi dala medema ëura. Per nfurma­zions y per se scrì ite: Lidia, 340 5170711.
01.10.–26.11.
Curs de pilates per 50+
L KVW de Sëlva mët a jì chësc curs cun Julia Karbon tla palestra tl stadio Pranives de Sëlva basite. N se anconta l prim iede ai 1. de utober dala 20:00–21:00. Daldò saràl mo 8 ancuntedes, for de juebia dala medema ëura. Per plu nfurmazions y iscrizions: Lidia Delazer, 340 5170711.
06.10
Cujiné zënza gluten
Le Consëi de formaziun Cor­vara y la Uniun dles ëres da Calfosch organisëia n curs da cujiné zënza gluten, cun Valentina Moling. Le curs é en mertesc ai 6 d’otober dales 8:30 ales 11:00, tla Ciasa dles uniuns Tita Alton a Calfosch. Infos y iscriziuns anter i 30 de setëmber pro Elfriede, al 349 5288629. Posć limitá.
07.10.
Curs de Ladin online
La Union di Ladins de Gher­dëina mët a jì n curs de ladin online per chi che scumëncia, che scumëncia ai 7 de utober dala 19:30. L curs jirà inant for de mierculdi dala medema ëura per de ndut 7 iedesc (14.10; 21.10; 28.10; 11.11; 18.11; 25.11.). Per plu nfur­mazions y iscrizions: Union di Ladins Gherdeina, 0471 796870, info@ulg.it.

Temp Lede
Atualmënter
Culinarium Urtijëi
Na esperienza culinaria y ga­stronomica patriculera uniràl a s’l dé te de plu restau­ranc de Urtijëi, nchin ai 11 de utober. La strutures che fej pea ie: Restaurant Gen­ziana, Costamula Restaurant, Stua Catores, Anna Stuben, Ustaria Da Checco, Restau­rant Mont Sëuc, Restaurant Tubladel, 4 Sajons Restaurant, Stube Vives, Ustaria Traube, Café Restaurant Val d’Anna, Restaurant Pizzeria Lamm y Zicoria Brasserie.
26.09
Fascia amor de cojina
Sabeda 26 de setember se sera su la neva rassegna eno­gastronomica de l’ApT. Enlon­gia Veisc a Pera da les 9:30 a les 15:30 se pel cercèr i menues enjigné dai restoranc de Fascia compagné da la musega di Popcorner. Info sul sit www.fassa.com
27.09.
Festa de la families
En domenia ai 27 de setember i Alpins de Poza e Pera endreza la festa de la families, di Alpins e de si amisc ló da la gejiola ti Munciogn. Da les 11:00 auza­­bandiera, da les 11:15 messa e da les 12:00 marena.
27.09.
Munts dl altonn
En domënia ai 27 de setëmber presentëia la Ütia Bioch deplü spezialités gastronomiches cun deplü sorts de blâ. L’apun­tamënt mët man dales 11:00 y vëgn abelí da musiga dal ví cun Julian.
02.10.
L Itiosaur de Secëda... n saut tla storia dla tiera!
L Museum Gherdëina nvieia de cuer a n lauratuere creatif cun la referëntes Sara Wel­poner y Claudia Urthaler, n vënderdi ai 2 de utober dala 14:30 nchin la 17:00, per mu­tons:ans dala prima ala terza elementera. Priesc: 8,00 € per uni mut:a. Posć limitei. Iscri­zions tres Whats­­app a: 333 6177786 Ma­rion. (mé per cumëmbri VKE). N se­gondo lauratuere per mu­tons:ans dala cuarta elemen­tera ala prima mesana unirà fat ai 16 de utober, for dala 14:30–17:00.
17.10.
Cëna de chi dl 1976 dla Val Badia
En sabeda ai 17 d’otober él na cëna por i nasciüs y les na­­­sciüdes dl 1976 dla Val Ba­dia. An mët man dales 14:00 cun na mëssa te dlijia da San Martin, ciantada dal cor »Cor­Usc«. Dedô ván sö a Pe de Börz y spo a pe cina ala ütia Munt de Mür, olache al sará n aperitif y la cëna, cun intrati­gnimënt musical de DJ Robby. Por se scrí ite él da paié ite 90,00€ sön le cunt IT56M 08010 58830 000404426100, don dant inom, cognom y paisc.

Segres y Festes
26.09.
»Oktoberfest« a San Martin
En doman sabeda ai 26 de se­tëmber, te salf dles manife­staziuns da San Martin. La festa mët man dales 18:00, cun poscibilité da cené. Dales 19:00 vëgnel foré la bot dla bira. L’entrada é lëdia fina ales 21:00. Fora por la sëra sona la Böhmische da La Val, al sará i »Gipfl Plattler« y le grup »Die Söhne Tirols«.
27.09.
Segra da San Martin
Chësta domënia ai 27 de se­tëmber. Dales 10:00 mëssa te dlijia, dedô vára inant te salf dles manifestaziuns. Dales 10:30 él na matinée cun lia­gnes blances y musiga, spo él la poscibilité da marné. Do­misdé intratignimënt musical cun Ossi de Lipo y dales 17:00 estraziun dla lotaria. Por chi che ó él ince la poscibilité da cené.
27.09.
Segra de Sëlva
Ai 27 de setëmber saràl segra te Sëlva. Do la funzion te dlieja dala 10:15, cianteda y suneda dal Cor de Sëlva y dal’urchestra, jirà la festa inant sun plaza de Chemun cun mujiga y velch de bon da maië.

Iadi y Jites
Atualmënter
Iscrizions: viac cun l bastimënt sun la Donau
La Grupa KVW de S. Cristina mët a jì n viac sun la Donau cun n bastimënt »Bellejour«, dai 12 nchin ai 17 de auril 2027. La iscrizions vën bele tëutes su da śën inant nchin al plu tert ai 31 de utober 2026. Per plu nfurmazions y per se nuté su: Emmerich Se­noner, 335 57 13 575.
02.10.
Ji a scuté su l bulé dl cërf sun l Passo Rolle
La Lia da Mont Gherdëina mët a jì na jita sun l Passo Rolle, per jì a ti cialé al cërf y a scuté su si bulé. N se an­conta ai 2 de utober dala 15:30 sun Plaza Nives te Sëlva. Da tò pea iel na lum y na rola.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­ventsingen« y a ti cialé ala »Salzwelten« a Hallstatt. L ie bele śën mesun resservé l post cherdan su Rudolf al 335 638 0973. L priesc ie de 400€ per persona (per la majon sin­gula 485€). I posć ie dant resservei ai cumëmbri dl Kvw y da dedò permò ai autri nteressei.

Sozial
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòssen scrì a gherdeina@family-support.it
02.10.
Deberieda: festa per i 30 ani dla grupa
La grupa Deberieda mët a jì na festa n ucajion de si 30 ani, n vënderdi ai 2 de utober. N se anconta dala 14:00 dan la Cësa de Paussa a Urtijëi. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Mostres y Ert
Atualmenter
Claus Soraperra en mostra a Trent
Tel Spazio Atelier Benigni, via Belenzani 51 a Trent, se pel veder la esposizion del artist Claus Soraperra dal titol »Del Seelengarte, ovvero l’Orto«. La é da poder veder fin ai 29 de otober dal mèrtesc al vender da les 16:00 a les 19:00 e de sabeda ti oraries 10:00-13:00 e 15:00-18:00.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
Mostra »Spuren«
L Tublà da Nives te Sëlva nvieia de cuer a unì a ti cialé ala mostra »Spuren« de Lau­renz Stockner. La mostra resterà davierta nchin ai 11 de utober. Orares: uni di ora che l lunesc, 16:00 – 19:00. L artist sarà prejënt ai 26 de se­tëmber y ai 3 y 11 de uto­ber. Ai 3 de utober dala 11:00 pu­­deràn scuté su n dialogh cun Laurenz Stockner, tenì da Katherina Perlongo.
Atualmënter
Mostra – Paradeiser
Tla galaria Vijion a Puntives iel da udëi la mostra dal titul »Paradeiser«. Artisć che mët ora ie: Julia Bornefeld, Florian Borkenhagen, Philipp Putzer y Mischa Sanders. La mostra sarà da udëi nchin ai 29 de se­tëmber, lun – sad dala 4 – 7 domesdì, o cherdan su l 338 2098697.
Atualmënter
La Berstot de Lenert
Dai 19 de setëmber nchin ai prim de nuvëmber iel da udëi tla sala dla mostres dla Cësa di Cungresc a Urtijëi la mostra che se dà ju cun la storia dla berstot dla familia Moroder Lenert y dantaldut cun l’opres di scultëures Rudolf Moroder Lenert (1877–1914) y Ludwig Moroder Mëune (1879–1953).
Atualmënter
Mostra de pitöres a Badia
Pro la staziun dl implant porta­­­­­­munt »La Crusc1« a Ba­dia pón odëi na mostra de pitöres dl’artista Ruxandra Pana, cina ala fin de setëmber, vigni de dales 8:30 ales 17:30.
Atualmënter
Mostra »Grafika« tla galaria Raiffeisen a Bornech
Tla galaria Raiffeisen a Bor­nech, él da odëi cina ai 2 d’oto­­ber la mostra »Grafika«, cun laurs de Christian Piffra­der, Elisa Alberti, Emily Ober­schmied, Gino Alberti, Karl Egger, Karl Theo Stammer, Kuno Mayr, Linda Wolfs­gruber, Lois Anvidalfarei, Markus Moling, Roberto Pallestrong y Thomas Walder. Orars: lönesc cina mercui 8:00 – 12:30 y 14:30 – 16:30; jö­bia 8:00 – 12:30 y 17:00 – 18:30; vëndres 8:00 – 12:30.
03.10.
Dialogh cun l artist Laurenz Stockner
Ai 3 de utober dala 11:00 tl Tublà da Nives, puderàn scuté su l dialogh cun Laurenz Stockner, tenì da Katherina Perlongo.

Mujiga
25.09.
Identitèdes adum te Museo Ladin
Anché, vender 25 de setember da les 20:30 l Museo Ladin endreza na sera de musega e mendranzes col musizist Ales­sandro Castriota Scanderbeg che ciantarà cianties per Ar­bëreshë, l lengaz veior di albaneisc te la Tèlia.
25.09.
Spazireda cun »Die Ladiner«
Ai 25 de setëmber dala 10:00 nchin la 18:00 uniràl fat na spazireda cun l duo »Die Ladiner« nchin te Val d’Ana, ulache l sarà nce na bela festa cun mujiga y aurela curta.
26.09.
Cianties Arbëresh a La Grenz
Sabeda 26 de setember da les 21:30 a La Grenz per la rasse­gna Panorama Music l é l conzert del musizist Ales­san­dro Castriota Scanderbeg che porta dant cianties tel lengaz di albaneisc de la Tèlia.
27.09.
Anna Castiglia sa le Sele
Domenia ai 27 de setember da les 12:00 sa le Sele per la rassegna ‘I Sons de la Dolo­mites’ l é l conzert de la cian­tau­tora Anna Castiglia, cogno­sciuda per aer tout pèrt a X Factor e aer avert i conzerc de Max Gazzè e Carmen Con­soli. Se l é catitemp l vegn fat te teater Navalge da les 17:30.
27.09.
Cianté y soné sön munt tl’Alta Badia
En domënia ai 27 de setëmber dales 13:30 él da aldí tla ütia »Franz Kostner« sön Valun i musizisć Bruno y Sepl.
02.10.
Ladiniatour26
Tla gran sala dla Cësa di Cun­gresc a Urtijëi vëniel inò a se l dé la Ladiniatour, n vënderdi ai 2 de utober dala 20:00 inant. Chëst ann sunerà la gru­­pes Sun sëida, Ines, Pop­corner, Nëusdoi, Julian Mo­ling and the D-Street Band, The Zan­zis. Ntreda: 15€, 10€ per jëuni y jëunes sot ai 20 ani.