La Usc di Ladins

Dai 14 ai 18 de setember a Sèn Jan l é stat la setima edizion del Simposie Toni Gross: artistes e artisć à lurà fora sia operes metan en esser domanes e prospetives sul tem del overturism e sul raport anter turism, teritorie e comunanza.
Te chest contest, te sala de consei del Comun de Sèn Jan l é vegnù portà dant na meisa torona apontin sul overturism, olache se à proà a se domanèr che che sozet canche n teritorie l é semper sot i eies de duc, tant da vegnir beleche consumà. La scontrèda, a chela che à partezipà Matteo Righetto, Michil Costa e Nicolò Weiss, à metù sun desch aspec desche la mobilità, l ambient, la doura del spazie publich e, soraldut, la calità de vita di sentadins. La moderadora Mirella Florian à vidà chest dialogh portan i reladores a se confrontèr sun na lingia de domanes che à tocà i ambic de competenza de vigniun: cultura, impresa e gestion del teritorie.

Dut l articol su La Usc stampèda de en vender ai 25 de setember del 2026. 

 (Cinzia Pistoia)