La Usc di Ladins

Papacei anché é disnà

pult e jufa marenà

rufiei en seif da marindel

senza cena star se pel.

Coscita i ciantèa chisc peres fascegn da n’outa. Chesta fossa l’ultima strofa de na veia ciantia scrita jù da nosc Amadio Calligari te la letra dai 17 de jené 1891, e chestes sia paroles de coment: »Zenza cena star se pel, i dijea! no i era delicac e melesc sche ades. L’é trop per chel che se trasforma dut: usanze, basć, lurieres...«.

Che cognassane mai dir anchecondì. Aboncont, chisc l’era enlouta i magnères da duc i dis, e se n’era duc i dis da meter sora desch i era jà contenc assà. Viapura, jufa e papacei (o popacei) saede ben inout che che l’é, e de ‘rufiei’ (o refiei) rejonaron magari n’autra outa. Endèna meton man con pult, na parola che chiò no à nia a che veder col cassabanch da pult, chel con la rebalza torona, e nience con ‘cattedra’ o ‘leggio’ descheche i enten vin Badia e Gherdena (tod. Pult, dal lat. PULPITUM): chiò se trata de speisa.

Podede lejer dut sul numer 45 de La Usc stampèda.