»Che volesseto far da gran?«

Data

31 de jené 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N projet per veder coche i joegn veit sie davegnir e coche i vèrda al lurier, metan a confront chi de n’outa e chi de anchecondì.


»Che volesseto far da gran?« Cotante de oute noi bec se aon sentù far chesta domana?

Più se cresc e più se cogn troar na responeta; me n é adat soraldut te le ultime setemane, canche col scomenzar de jené me n’é ascort che chest an son coscrita…18 egn, son prest madura! 

Amò n an e po rua la seconda gran cernia de mia vita per chel che revarda mie studies e mie davegnir: fae o no fae l’università? Se la fae, coluna? Pian pian duc ruon a chest moment n muie emportant de nosc percors envers l mond del lurier.

»Da gran voi far l studafech!« »Gio la maestra!« »la balarina!« »l dotor!«: cheste l é bele dotrei responete anter chele che se sent de più dai picoi canche ge se domana che mestier che i volessa far, ma l é da pissar che aldidanché, ensema al svelup de la tecnologia, l é do a nascer ence n muion de lurieres neves, leé a chesta: dal ‘influencer’, al ‘content creator’, o amò al ‘videomaker’... ensoma, nia a che veder coi veies lurieres de n’outa! 

Noi bec de la Scola Ladina de Fascia, ensema a la professora Doris Fosco, aon enveze pissà a che che volassane doventar noi da gregn, e aon proà a far n confront coi medemi lurieres che l era zacan chiò te Fascia per veder le desferenze, e coche ence chisc mestieres manco ‘neves’ se à aboncont svelupà ti egn.

Podede lejer de più su la Piata di Joegn te La Usc stampèda de vender ai 27 de jené.  (Nicole Lozzer)