Manuel Dellago Son Manuel Dellago, de 47 ani y vive a Urtijëi, son da La Sëlva y son patron de na cësa che dà d’albierch. Sambën éi fat la scola de ublianza a Urtijëi y da dedò ovi cris ora de fé la scola taliana per mestieres tla hotelaria a Maran.
Cie ëis’a fat do avëi finà la scola?
Do avëi finà de studië sons jit ncantëur per l mond a lauré ti restauranc, sambën coche ciulier. L fova ani scialdi nteressant ajache éi abù l mesun de jì n doi ani tla Franzia, n ann tla Svizra, n ann ora per i Tudësc, n ann tla Nueva Zelanda, y pona mo n pez tla Toscana y tl Venet. Do duta chësta esperienzes sons inò ruvà de reviers y me éi cris n lëur te Südtirol. Dlonch ulache son stat, éi mparà velch, sambën la rujenedes (rejone cin’ rujenedes) ma é nce mparà velch tl ciamp de mi mestier, sambën nce velch per la vita. Ne pudësse nia dì che n luech fossa stat plu bel che n auter, l’esperienza plu mpurtanta éi purempò fat ntan mi ani de lëur a Corvara. (SPM)
De plu tla edizion stampeda de La Usc di Ladins o sun l e-paper a paiament www.lausc.it/e-paper
