Amò n’outa, l projet VIF à compagnà i bec de la Scola Ladina te n percors dedicà a ic, per rejonar de argomenc emportanc e delicac leé al temp de la joeneza: le dependenze, e l’afetività e sessualità. De fat, massa de spes vegn fat de chisc n tabù, canche enveze fossa dassen emportant n rejonar. Belimpont chest projet, scomenzà jà chest uton, se spartesc te doi part, che à l zil de ge spiegar ai bec chisc temes e responer a soe domane ensema a esperc del setor.
Per chela leada a le dependenze, portada dant da l’Azienda Sanitara e dal Ser.D (l Servije contra le dependenze), i bec à abù l met de scutar e rejonar con la psicologa Martina Volcan, che ge à portà dant n percors su le dipendenze più ‘classiche’, desche droga, alcol, ma ence de chele più ‘moderne’, desche chela da fonin o da jech a risech.
L auter percors, enveze, l à tratà i argomenc leé a la sfera sessuala e afetiva, le relazion anter persone, con na sensibilisazion su le magagne che che se trasmet travers i raporc sessuai, temes che é stac spieghé da la psicologa Paola Aldrighetti e da l’ostetrica Antonina Bonarrigo.
De più su La Usc stampèda de vender ai 3 de firé.
(Nicole Lozzer)
I bec endò adum te caserma col projet VIF
Do aer cognù lascèr su chisc momenc de confront e agregazion, l é stat endò la ‘full immersion’ de formazion di ‘peer leader’ che va a rejonèr coi compagnes più joegn de dependenze, afetività e sessualità.
Galaria retrac
View the embedded image gallery online at:
https://www.lausc.it/spezial/22528-i-bec-endo-adum-te-caserma-col-projet-vif#sigProId94fac7c60f
https://www.lausc.it/spezial/22528-i-bec-endo-adum-te-caserma-col-projet-vif#sigProId94fac7c60f