Da n pez se rejona de la doura del fonin a scola: te vèlch situazion chest strument l pel esser de utol desche strument didatich, ma più de spes l é na ocajion de distrazion per i studenc. Chest an ence l nef Minister de l’Istruzion e del merit à dit che i cogn esser descomané, ma te la Scola de Fascia i ge aea jà pissà. Da la Sorastanza l é stat dezidù defat che se no i serf per la didatica i fonins i cogn esser lascé zaolà dai bec dant de jir te sie banch. Ma olà? Per chest l é stat metù a jir n projet aldò.
I studenc de la clasc terza del cors de design del liceo artistich, con la professores Stefania Pederiva e Brunella Piazza, i à portà dant desvalives projec che permete de troèr la soluzion miora per poder binèr adum e meter da na man i fonins endèna la ores de didatica, a na vida che chisc no posse esser n element de distrazion e de mencianza de respet sibie envers i compagnes che envers i professores.
De più su La Usc stampèda de vender ai 3 de firé. (lg)
Col portafonins nia distrazions a scola
Ti licees endèna la lezions i fonins cogn restèr da na man. I studenc de 3^ LAD i à studià fora e realisà na soluzion ‘su mesura’ da dèr fora te ogne clas.
Galaria retrac
View the embedded image gallery online at:
https://www.lausc.it/spezial/22529-col-portafonins-nia-distrazions-a-scola#sigProIdd8cf55264b
https://www.lausc.it/spezial/22529-col-portafonins-nia-distrazions-a-scola#sigProIdd8cf55264b