Gio son da Ciampestrin, son del 1986, é fat la scola alberghiera a Tieser e é la califica de sala/bar e de cojina. Sobito é tacà a lurar ti hotie te la val de Sot ma ajache la sajon la é semper più curta son jit a lurar ti bares per aer l met de aer n lurier dut l an, del 2009 é taca al Tobià son stat 4 egn, dapò dal 2013 al Bar Esso autres 9 egn e mez e ades, da la metà de otober, é tacà a lurar te la boteiga di sfoes Anesi a Cianacei.
Se n venel amò giornai?
Ei, i va ben amò, ma l é semper i medemi che se i compra, i pascioné del papier, i joegn li varda online o i se enforma tras i social o no i ge varda e no i à enteres.
E l jech, jiela n muie la jent?
Ei, n é de chi che jia canche l é le estrazion del lotto o superenalotto, per solit l é jent sora i 40. Ai gratta e vinci i jia de ogne età, i se tol magari i zigarec e na schedina. Jent del post e jent che laora chiò entorn. (MCI)
De plu tla edizion stampeda de La Usc di Ladins o sun l e-paper a paiament www.lausc.it/e-paper
