La Usc di Ladins

Ai 9 de fauré iel stat deplù ntervënc sun i purtoies: doi per tei che se à fat mel al piet, tuman o firan adum cun i schi y doi per zachei che se ova rot l uf. Duc ie unic menei cun l joler te spedel. Dassëira pona mo n ntervënt a La Ila per na reazion alergica. L’ëila ie unida meneda a Burnech te spedel.

Ai 8 de fauré ie l joler dl Aiut Alpin Dolomites inò unì cherdà belau esclusivamënter per nzidënc sun pista: un sun Gardenacia per n ël cun l col dl oss dla cuessa rot - che n à menà tl spedel da Burnech, un sun Mont de Sëuc per n ël cun na sciabla ora de luegia - menà te spedel a Persenon. N ie pona julei sun Jëuf de Frea ulache n ël se à fat mel al uf. Ël ie unì julà, deberiëda a n’ëila che se ova fat mel al jenodl - meneda adalerch dal servisc sun pista - tl spedel de Persenon. Oradechël àn mo menà te spedel a Bulsan n laurant dla Utia Saraghes, che ova abù problems al cuer y ala zirculazion.

De plu tla edizion stampeda de La Usc di Ladins o sun l e-paper a paiament www.lausc.it/e-paper