La Usc di Ladins

N lunesc ai 2 de fauré ntëur mesdì à l joler fat n ntervënt sun Piz La Ila, ulache n ël fova tumà cun i schi y se ova rot l os dl uf. N ie julei limpea tl spedel de Burnech.
Ntan l jol de reviers à la zentrela de Bulsan cherdà l joler per n ntervënt sun Putia: na schialpinista fova trumeda y se ova rot na giama. La fova tl bosch y nia saurida da udëi, ma la à sapù da dé tres la drëta cuordinates y n la à nscila riesc abi­neda. Cun na binda de 50 metri àn recuperà l’ëila polaca y meneda tl spedel de Burnech.
Ai 3 de fauré iel stat un n ntervënt sun l Belvedere a Cianacei: l se tratova de na emergënza sanitera. L ël svedesc ie unì ciarià y menà tl spedel de Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper