La Usc di Ladins

Fin de setemèna pien ence per i atlec del biathlon. En sabeda ai 9 e en domenia ai 10 l’é stat doi garejèdes de Copa Tèlia Fiocchi a Bionaz de gra a l’endrez del Schi Club Bionaz Oyace. Da doman bonora à coret la eles e domesdì i omegn. En sabeda l’é stat la garejèda individuèla che pervedea cater trates al tulac e en domenia enveze i atlec à coret te la sprint con doi trates al tulac.
L mior resultat de la eles de le Under 17 l’é ruà la sabeda, Fabiana Carpella de le Fiamme Oro de Moena, scrita ite al Ski College de la Scola Ladina de Fascia, é stata asvelta e prezisa a la trata al tulac e la é stata bona coscita de se vadagnèr l prum sciaier tedant a l’autra atleta de la Val de Sol Silvia Bertolini, terza enveze Astrid Ploesch (SC Weissenfels). 

De più su La Usc 02 di 15 de jené  (Daniele Verra)