La sajon dl atlet de Sëlva ie fineda via: l ie ruvà cuinto (+1.14 dal prim). Ramon Zenhäusern dla Svizra ie ruvà prim (1:54.87), segonda Lucas Braathen dla Norvegia (+0.06), terzo ie ruvà Henrik Kristoffersen (+0.63). Dan Alex l atlet dla Svizra Marc Rochat.
N con' de si sajon dìjel: "L ie bel a finé via la garejeda cun n bel cuinto plazamënt. Chësc me dà mutivazion per lauré y se miuré mo deplù. Dessegur se aspitòven deplù tl scumenciamënt dla sajon, y la ne n'ie nia scumenceda coche n ulova, ma son mpo stat bon de purté a cësa un o l auter plazamënt drët bon. Śën vàla de se alené, alené y mo n iede, se alené. De gra a duc dl sustëni!"
