La Usc di Ladins

La U.15 Fascia/Fiem é ruèda fin al bel travert di chèrc de finèla ti playoff del campionat talian, olache l'à jià contra l Apian. L era l cruzue per chesta endesfida senstra, e defat i sudtiroleres à abù la venta ai 19 al Scola per 4 a 2 e ai 22 a Apian per 4 a 1. La sajon é donca fenida per chisc joegn falches, che aboncont i à jià n gran bel campionat.
Per chel che vèrda i più picoi, do l’U.9 l é stat temp de Trofeo del Cucciolo ence per l'U.7. I falchec en domenia ai 19 de mèrz se à tramudà fora Ciavaleis olache l é jit en scena l bel tornoi con adertura 8 squadres, sie trentines più does vegnudes dal Sudtirol.
Ence la U.11 é stata empegnèda per l Cucciolo. A Perjen l era demò squadres trentines con Fascia, Fiem, Perjen, Val Rendena, Trent, Piné e Val de Sole. Bon resultat per l Fascia.

 (Daniele Verra)