Suzes ladin ai Campionac taliegn Children

Data

24 de merz 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Ponte di Legno Alessandro Valt à vent doi medaes de arjent de skicross e superG. Medaa de arjent ence per Arianna Putzer e de bron per David Castlunger, Dorotea Mobiglia e Aaron Stuffer.
Setemèna de garejèdes a Ponte di Legno per i Campionac taliegn de la categories Allievi e Ragazzi, che é peèdes via en lunesc ai 20 de mèrz col slalom lèrch e l Skicross, olache l é ruà i prumes bogn ejic ladins, con Alessandro Valt de la Monti Pallidi de Moena che se à vadagnà la medaa de arjent tel skicross Ragazzi e David Castlunger del ST Alta Badia chela de bron del slalom lèrch Allievi.

En mèrtesc tel slalom strent Allievi l é stat Dorotea Mobiglia del Ski Team e Ski College de Fascia a se vadagnèr l terzo post sul podie do na gran remonta te la seconda manche, olache l’à fat l mior temp, e te la garejèda de skicross di Allievi l é ruà la medaa de arjent de Arianna Putzer del SC Gherdëina Raiffeisen e chela de bron del compagn de squadra Aaron Stuffer. Lisa Mahlknecht é restèda per pech ju dal podie vadagnan l 4° piazament.

En mercol ai 22 l é ruà n’autra bela sodesfazion te Fascia con la seconda medaa de arjent de Alessandro Valt, chest’outa tel SuperG Under 14. Matthias Mahlknecht de Gherdena se à vadagnà n bon 9° post e anter eles la miora ladina l é stat la badiota Francesca Miribung ruèda 15^.  (Lucia Gross)