La Usc di Ladins

Do l arjënt venciù ala “John Nicks Pairs Challenge” a New York City tl scumenciamënt de setëmber de chëst ann, iela per l pèr dl jadiné artistich Manuel Piazza de Urtijëi y Anna Valesi jita inant cun doi garejedes dla Union Nternaziunela de jadiné – ISU. La prima dla doi garajedes fova la "ISU Nebelhorn Trophy 2023" a Oberstdorf ti Paejes Tudësc dai 20 ai 23 de setëmber. Tlo à Anna y Manuel arjont l nono plazamënt. Pra la segonda de chësta garejedes, chëla a Katowice tla Polonia ai 21 y 22 de utober ie l pèr ruvà terzo.

Do chësc bon scumenciamënt dla sajon ie nsci ruvà l nvit per pudëi fè pea pra la “ISU Grand Prix of Figure Skating” dai 10 ai 12 de nuvëmber tla Cina. L se trata de una dla ndut sies garejedes metudes a jì a livel mundiel dal ISU, ulache possa fé pea mé i:la miëur:a jadinadëures dl mond do na selezion fata a puntin y mé cun nvit.
I doi atlec, Anna y Manuel, ova chëst ann bele giapà n nvit per fé pea pra n Grand Prix, plu avisa pra chël che unirà fat dai 3 ai 5 de nuvëmber a Angers tla Franzia. Cun l nvit per la Cina, ala garejeda a Chongqingtla l'ena do, se àl śën juntà leprò mo n bel resultat per l jëun de Gherdëina Manuel Piazza y Anna Valesi.

L articul ie da liejer tla proscima edizion de La Usc di Ladins