La Usc di Ladins

Emy Ganibegovic é bele n inom conesciü te nosc foliet. De chësta jonina da Corvara, che é gnüda al monn cun sindrom de down, unse bele albü l’ocajiun da scrí plü iadi por süa partezipaziun ales gares de jadiné artistich, olache ara s’á mostré y mosoré söla dlacia por l’Ice Club Alta Badia. N’atra ligrëza sportiva de Emy é indere ince chëra da nodé, olache ara s’alenëia dal ann passé incá pro le SSV da Porsenú. Propi te chësta disciplina él gnü alerch de bunes noeles.
Emy Ganibegovic á albü l’ocajiun da jí ai 24 y 25 de ma a Terni, por tó pert ai Campionac taliagn da nodé promozional dla FISDIR. La "Federazione Italiana Sport Paralimpici degli Intellettivo Relazionali" é la federaziun sportiva taliana che gestësc, organisëia y promöi le svilup dles ativités sportives por atletes y atlec cun dejabilité. Por capí damí: la categoria "promozional" é chëra cun atletes y atlec che á bele fat n percurs tl sport y che é bugn da nodé almanco 25 metri zënza aiüc.
A vigni moda: por Emy Ganibegovic ésera jüda plü co bun.

Deplü ves cuntunse t’La Usc di Ladins di 6 de jügn, olache i un ince baié cun süa alenadëssa Sabrina Da Col, che é ince süa maestra de sostëgn.  (pablo)