La Usc di Ladins

A San Martin él gnü lité ai 11 de forá le consëi de junta dla Lia da Munt Val Badia. Chësta uniun é öna dles maius a livel de valada y porta adöm te na colaboraziun ince mëmbri dl CAI y dl AVS; mo dantadöt, ara porta adöm i amanc dla munt, che ciafa la poscibilité da partí la pasciun por l’ambiënt natural y les escurjiuns.
L’unin mët adöm vigni ann n program d’ativités de varieté y che atoca l’interes de spanes d’eté desfarëntes, pitan acompagnamënt te escurjiuns plü adrenaliniches y tecniches, spazirades plü culturales y dl ater vers indô proiec didatics por i plü pici che vëgn docá. Dé inant le savëi sura la munt y promöie insciö la sconanza dl ambiënt, alzé fora tematiches atuales de sostegnibilité y invié ite la popolaziun a tó pert ala discusciun: les lies da munt é atives de chësc vers y á n gran da fá.

Tla ediziun nöia de La Usc di Ladins da incö, vëndres ai 6 de merz, vëgnel presenté la junta nöia che acom­pagnará l’uniun ti proscims trëi agn y te n’intervista cunta i trëi mëmbri Davide Schuen, Werner Frenes y Norbert Frenademez dles desfides atuales dl’uniun, dles novités y de ci che al ti aspeta ai mëmbri dla Lia da Munt Val Badia tl 2026.


Liede deplü tla ediziun stampada!